EBC Ladi prepradu tuir ezame trimestre dahuluk períodu 2023
COVALIMA, 03 abríl 2023 (TATOLI)–Diretór Ensinu Eskola Bázika Sentrál (EBC, sigla portugés) Ladi, Hermengildo Asis Martins, hateten estudante hosi EBC Ladi prepradu atu hasoru ezame trimestre dahuluk ba períodu tinan 2023.
“Ami-nia estudante sira iha EBC Ladi prepradu atu partisipa ezame trimestre dahuluk ba períodu tinan 2023, tanba professor sira mós prepara ona matéria atu fó ezame ba estudante sira,” Hermengildo Asis Martins hateten ba Agência Tatoli, iha resintu EBC Ladi, segunda ne’e.
Bazeia ba kalendáriu hosi Ministériu Edukasaun Juventude no Desportu (MEJD), estudante sira hala’o ezame ba trimestre dahuluk hahú iha loron 10 fulan-abríl, maibé adia fali ba loron 17 fulan-abríl tinan 2023.
Razaun MEJD adia loron ezame ba trimestre dahuluk ba loron 17 fulan-abríl tinan 2023 ne’e relasiona atu selebra festa paskua, nune’e diretór eskola sira simu ona despaixu hosi MEJD.
Tuir dadus estudante iha Eskola Bázika Sentrál (EBC) Ladi hamutuk na’in-500-resin ne’ebé preparadu ona atu tuir ezame ba trimestre dahuluk.
Jornalista : Celestina Teles
Editór : Cancio Ximenes
