Autoridade aduaneira kontribui ona reseita $134,579.38 ba kofre Estadu
COVALIMA, 04 abríl 2023 (TATOLI)–Diretór autoridade Aduaneira Covalima, Nuno Nogueira, hateten hahú fulan-janeiru to’o marsu tinan ne’e, autoridade aduaneira kontribui ona reseita $134,579.38 ba kofre Estadu.
“Ita iha mundansa ba lei tributária iha ona mudansa ba persentajen taxa importa 5%, salex tax 2,5% hamutuk 7,5% ne’ebé seidauk konta kona-ba existe tax. Ita kompara ho tinan hira-liuba durante fulan tolu kontribui ona reseita $134,579.38 ba kofre Estadu,” Nuno Nogueira informa ba jornalista sira iha Fronteira Salele, tersa ne’e
Autoridade Aduaneira kontribui reseita $134,579.38 neé mai hosi fonte hosi Aero Portu Komandante em Chefe Kay Rala Xanana Gusmão, reseita mai hosi kompaña Internasionál Timor Resources importa materiál espluzivu.
Autoridade aduaneira durante fulan tolu kontribui reseita $130,090.72 ba kofre Estadu reseita ne’ebé sira kontribui mai hosi importasaun nesesidade bázika, materiál konstrusaun no materiál mobiliáriu.
Autoridade aduaneira foin trimestre dahuluk kontribui ona reseita $ 134,579.38, trimestre daruak autoridade aduaneira sei kontribui reseita makaas liu maske movimentu la hanesan ho fatin sira seluk.
Iha fronteira Salele sidadaun-sira halo importasaun segunda to’o sesta ne’ebé minimu kamioneta rua másimu kamionete 10.
Jornalista : Celestina Teles
Editór : Cancio Ximenes
