Kompañia Madarlin esporta kami tonelada-60 ba Indonézia liuhosi Salele
COVALIMA, 04 abríl 2023 (TATOLI)–Diretór Autoridade Aduaneira Covalima, Nuno Nugueira informa, durante ne’e kompañia Madarlin mak sempre halo esportasaun kami tonelada 60 liuhosi fronteira Salele.
“Normalmente ita iha kompaña sira sempre esporta kami ba estranjeiru liuhosi fronteira Salele mak kompaña Madarlin Unipesoál, Lda,” Nuno Nogueira hateten ba jornalista sira, iha fronteira Salele-Tilomar, tersa ne’e.
Kompañia Madarlin hala’o esportasuan kami liuhosi fronteira ho nia kuantidade kami mínimu kamionete ida ho tonelada 60 másimu kamioneta rua ne’ebá kada kamioneta kami ho tonelada 60.
Kompañia la’ós hala’o esportasaun kami loro-loron maibé komapaña halo esportasaun kami dala ruma fulan tolu to’o haat mak foin halo esportasaun dala iha ba estranjeiru liuhosi fronteira terrestre.
Ho nune’e diretór husu atu habadak burokrasia trata lisensa esportasaun nune’e emprezáriu lokál sira iha vontade atu halo esportasaun.
“Kompaña sira hala’o esportasaun fulan tolu to’o haat foin dala ida-ne’ebé ita-nia prosesu trata lisensa tenke habadak burokrasia, nune’e ita-nia emprezáriu lokal sira iha vontade atu halo esportasaun,” nia hateten.
Aleinde ne’e, komapañia Madarlin esporta kami no kompañia balun mós hasoru ona diretór Autoridade aduaneira Covalima atu halo esportasaun besi tua sir aba rai-li’ur.
“Iha mós pedidu hosi ita-nia emprezáriu lokál hasoru ha’u atu halo esportasaun kona-ba besi tua nia prosesu mak naruk tenke husu autorizasaun hosi Ministériu Komérsiu no Indústria (MTCI) no tenke iha lisensa hosi Indonézia,” nia hateten.
Jornalista : Celestina Teles
Editór : Cancio Ximenes
