iklan

NASIONÁL, EKONOMIA, HEADLINE

Governu aprova prosedimentu aprovizionamentu reabilita estrada Laclo

Governu aprova prosedimentu aprovizionamentu reabilita estrada Laclo

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (12/04). Imajen Tatoli/Francisco Sony

DILI, 12 abríl 2023 (TATOLI)– Konsellu Ministru delibera hodi aprova prosedimentu aprovizionamentu nian ba reabilitasaun estrada husi munisípiu sira, hanesan munisípiu Manatuto, postu administrativu Laclo ba Laclo vila.

“Proposta ne’e aprezenta hosi Ministru Obra Públiku, Abel Pires da Silva, no orsamentu ba projetu ne’e hamutuk millaun $6,5”, Ministru Prezidénsia Konsellu Ministru, Fidélis Leite Magalhães haktuir hafoin reuniaun ezekutivu, iha Palásiu Governu kuarta ne’e.

Biban hanesan, Konsellu Ministru mós aprova ona Dekretu-Lei kona-ba aprovizionamentu ba prestasaun servisu sira vijilánsia no seguransa infraestrutura sira ne’ebé krítiku.

“Projetu Dekretu-Lei ida-ne’e ho ninia objetivu atu estabelese rejime jurídiku aprovizionamentu hodi selebra kontratu servisu sira vijilánsia no seguransa ba infraestrutura sira-ne’ebé krítiku Estadu no Administrasaun Públika nian”, Portavós Governu ne’e subliña.

Ezekutivu ne’e esplika katak selebrasaun kontratu servisu vijilánsia no seguransa-sira ne’e tenke tuir rekursu ba ajusta diretu no sei sai kritériu preferensiál sira ba kontratasaun servisu nian ne’ebé empreza sira ne’ebé iha sede rasik iha Timor-Leste, ne’ebé ninia kapitál sosiál maioria nia na’in husi kombatente libertasaun nasionál sira no mós kontratu ba traballadór maioria husi kombatente libertasaun nasionál.

Jornalista : Antónia Gusmão

Editór       : Rafael Ximenes de A. Belo

iklan
iklan

Leave a Reply

iklan
error: Content is protected !!