COVALIMA, 12 abríl 2023 (TATOLI)– Organizasaun Arte Marsiál (OAM) no Organizasaun Arte Rituál (OAR) Promete sei kria pás no estabilidade durante iha periódu atividade kampaña eleitorál to’o sidadaun hotu ezerse sira-nia direitu vota iha sentru votasaun iha eleisaun 21 maiu 2023.
“Ami hosi organizasaun PSHT promete kata kami hakribit konflitu no violénsia, ami fó apoiu másimu hodi kria pás, hodi kontribui ba dezenvolvimentu bainhira partidu políku sira hala’o kampaña eleitorál,” Flavio Branco Leto hateten eventu asaun dame iha salaun parokia Zumalai, kuarta ne’e.
Organizasaun Persaudaraan Setia Hati (PSHT) fó apoiu másimu durante partidu polítiku sira hala’o kampaña eleitorál to’o sidadaun sira ezerse direitu votu iha 21 mariu 2023.
Sekretáriu Konwuchu Zumalai, Anos de Arújo, prontu atu servisu hamutuk ho organizasaun arte masiál no Arte Rituál sira no atu kumpre orientasaun no regra ne’ebé Estadu fó sai.
“Ami prontu atu lolo-liman ho arte masiál hotu servisu hamutuk hodi koopera ho Estadu prontu kumpre orientasaun ne’ebé Estadu fó sai no prontu atu hala’o servisu saida de’it hodi la’o tuir regra ne’ebé Estadu fó sai,” nia promote.
Iha parte seluk, reprezentante ikatan Kera Sakti (IKS) postu administrativu Zumalai, garantia katak eleisaun parlamentár tinan 2023 sei la’o ho di’ak no sei la hasoru programa ne’ebé partidu polítika sira hato’o iha atividade kampaña eleitorál to’o eleisaun parlamentár.
“Ami hosi Ikatan Kera Sakti (IKS) garantia atu fó liman ba arte marsiál no arte rituál atu kria dame iha ami nia suku no aldeia durante periódu kampaña eleitorál to’o eleisaun,” nia dehan.
Entertantu, iha loron 13 fulan-marsu tinan 2023 ne’e, Prezidente Repúblika José Ramos Horta dekreta ona loron eleisaun ne’ebé sei akontese iha loron 21 fulan-maiu tina 2023.
Jornalista : Celestina Teles
Editór : Cancio Ximenes
