Guarda floresta Covalima halo apreensaun ai kúbliku sia
COVALIMA, 17 abríl 2023 (TATOLI)–Xefe Departamentu Reprezentasaun Territoriál Floresta Planta Indústria Covalima, Francisco Sarmento informa, hahú faneiru to’o abríl tinan-ne’e, Guarta Froresta Covalima halo apreensaun ba ai kúbliku sia (9), tanba laiha lisensa hosi floresta.
“Hahú fjaneiru to’o abríl tinan-ne’e, ita halo apreensaun ai kúbiku sia no hosi númeru ne’e ai kúbiku neen (6) mak ita rezolve ona ho razasaun sidadaun balun laiha informasaun, balun laiha lisensa transporte atu tula ai. Ai kúbiku tolu (3) sidadaun sira hosi Covalima atu transporta ba munisípiu Ermera,” Francisco Sarmento hateten ba Agência Tatoli, iha-nia kna’ar fatin, Jampung Baru, segunda ne’e.
Guarda floresta halo apreensaun sidadaun ne’ebé koa ai, tanba sira laiha lisensa hosi floresta, entaun liuhosi patrollamentu guarda floresta identifika no halo apreensaun hafoin prenxe kedas formuláriu kapturasaun.
Sidadaun ne’ebé transporta ai hosi Covalima ba Ermera, sosa ai ne’e hosi sidadaun sira iha postu administrativu Tilomar, ne’ebé guarda floresta halo apreensaun iha postu administrativu Zumalai, munisípiu Covalima.
Guarda floresta Covalima halo apreensaun ba ai kúbliku tolu ne’ebé labele rezolve tanba sidadaun sira hosi Covalima transporte ai ba munisípiu Ermera, atu halo negósiu ne’ebé laiha dokumentu lisensa hosi guarda floresta.
Hafoin halo apreensaun, sira prienxe formuláriu apreensaun no haruka ba dirasaun jerál ne’ebé fó durasaun tempu durante loron 15 atu halo konfirmasuan iha dirasaun jerál, hafoin liu loron 15 ai hirak entrega ba Estadu.
Dadus Guarda floresta ne’ebé servisu iha floresta Covalima hamutuk 33 hosi númeru guarda floresta balun destaka iha postu administrativu hitu (7) iha Covalima.
Tuir planu, Governu sei halo tan rekrutramentu guarda floresta atu halo destakamentu guarda floresta to’o iha suku sira.
Jornalista : Celestina Teles
Editór : Cancio Ximenes
