Janeiru-marsu: DTC Covalima konstribui reseita $25,105.00 ba kofre Estadu
COVALIMA, 17 abríl 2023 (TATOLI)–Diretór Dirasaun Tranporte no Komunikasaun Munisípiu Covalima, Juaquim Gusmão, hateten iha trimestre dahuluk hahú janeitu to’o marsu ne’e, Dirasaun Tranporte no Komunikasaun (DTC) Covalima kontribui ona reseita $25,105.00 ba kofre Estadu.
“Hahú fulan-janeiru to’u fulan-marsu ne’e Dirasaun Transporte no Komunikasaun Munisípiu Covalima konstribui ona reseita $25,105.00 ba kofre Estadu,” Diretór Dirasaun Tranporte no Komunikasaun (DTC) Munisípiu Covalima, Juaquim Gusmão, hateten ba Agência Tatoli, iha nia kna’ar fatin, Bairru Costa, segunda ne’e.
DTC kontribui reseita ba Estadu ne’e, ninia fonte mai hosi atividade halo inspesaun ba transporte, lisensa trajetu, karta kondusaun, rejistu no troka xapa mátrikula ho totál invoice hamutuk 1,647 ho nia orsamentu $25,105.00.
Iha fulan-janeiru, DTC kontribui $10,105.00, frevreiru $6,785.00 no fulan-marsu konstribui $8, reseita $25,105.00.
Tuir dadus, halo inpesaun ho totál invoice janeiru-too marsu hamutuk 1,339 ho nia orsamentu $20,220.00, lisensa trajetu totál invoise 41 ho nia orsamentu $815.00, karta kondusaun ho totál invoise 141 ho nia orsamentu $2,720.00, rejistu ho totál invoice 122 ho nia orsamentu $1,250, troka xapa totál invoice haat (4) ho nia orsamentu $100.00
Jornalista : Celestina Teles
Editór : Cancio Ximenes.
