Top

PN aprova alterasaun lei Tributasaun ba Kontratante Bayu Undang

Plenária Parlamentu Nasionál. Imajen TATOLI/António Gonçalves.

DILI, 18 abríl 2023 (TATOLI)—Parlamentu Nasionál, tersa ne’e, liuhosi reuniaun plenária aprova finál globál ba projetu-lei númeru 54/V(5a) prosede alterasaun daruak lei númeru 3/2003, 01 jullu, kona-ba Tributasaun ba Kontratante Bayu Undang.

PN aprova mós projetu-lei númeru 55/V(5a) prosede alterasaun dahuluk lei númeru 4/2019, 27 agostu, kona-ba Rejime Laborál no Migratóriu Espesiál Aplikavel iha Projetu Bayu Undang.

Prezidente Parlamentu Nasionál, Aniceto Longuinhos Guterres Lopes, hateten alterasaun ne’e aprova ho rezultadu votu a-favor 39, kontra rua no abstensaun 0.

Ministru Petróleo no Minerál (MPM), Victor da Conceição, hateten Estadu Timor-Leste proprietáriu kampu Bayu Undang, nune’e aprova projetu-lei rua ne’e ho objetivu kria kondisaun ba kontratante Bayu Undang realiza nia atividade.

Projetu-lei tributasaun kontratante Bayu Undang ho objetivu enkoraza kontratante Bayu Undang implementa respetivu projetu, mediante aprovasaun rejime fiskál ida aplikavel ba  dezenvolvimentu no produsaun kampu Bayu Undang.

Refere rejime fiskál, embora kontein regra kona-ba  tratamentu fiskál ba kustu desmantelamentu no  dedusaun  kustu desmantelamentu, la  estabelese regra espesífika quanto atribuisaun  atividade desmantelamentu konduzida iha relasaun ho kampu Bayu Undang iha finál respetiva vida útil.

Ba projetu-lei kona-ba rejme laborál no migratóriu espesiál aplikavel atividade petrolífera  dezenvolve iha kampu Bayu Undang, to’o nia finál vida produsaun, nesesáriu prosede nia   desmantelamentu.

Perspetiva laborál no migratória, dezáfiu no nesesidade inerente ba desmantelamentu kampu  Bayu Undang, inklui serbisu iha territóriu terrestre no offshore.

Jornalista : Nelson de Sousa

Editór      : Cancio Ximenes

Publisidade

Leave a Reply

Latest Post

error: Content is protected !!