DILI, 20 abríl 2023 (TATOLI) – Partidu Frente Revolusionáriu Timor-Leste Independente (FRETILIN) ohin la konsegue halo diálogu iha Postu Administrativu Cristo Rei tanba kestaun fenómenu eklipse solár.
”Ami ohin la konsegue realiza diálogu tanba ita hatene katak ohin loron fenómenu eklipse solár’’ Adjuntu Sekretáriu Jerál Partidu FRETILIN, Florentina Smith informa ba TATOLI via telefone ohin.
Nia dehan, partidu FRETILIN sei adia ba tempu seluk hodi halo diálogu ho komunidade sira iha Postu Administrativu Cristo Rei kona-ba elisaun 2023 nian.
”Ami sei adia ba tempu seluk depois ami sei fó informasaun ba ita bo’ot sira”, nia dehan.
Tuir kalendáriu husi Komisaun Nasionál Eleisaun (CNE) fó sai katak iha loron 20 abríl partidu FRETILIN hala’o diálogu iha Postu Administrativu Cristo Rei, Munisípiu Dili.
Jornalista : Felicidade Ximenes
Editór : Zezito Silva
