iklan

HEADLINE, MANUFAHI, MUNISÍPIU, POLÍTIKA

Labarik minoridade partisipa kampaña polítika KHUNTO nian iha Manufahi

Labarik minoridade partisipa kampaña polítika KHUNTO nian iha Manufahi

Labarik menoridade partisipa kampaña politika KHUNTO nian iha Manufahi, kinta (21/04). Imajen Tatoli/Hortencio Sanches

MANUFAHI, 21 abríl 2023 (TATOLI) – Kampaña ba segunda faze partidu ho númeru sorteiu 5 Kmanek Haburas Unidade Nasionál Timoroan (KHUNTO) nian iha Munisipiu Manufahi maioria labarik ho minoridade mós envolve maske antes ne’e Prezidente Komisaun Nasionál Eleisaun (CNE-sigla portugés) José Belo relata ona ba partidu polítiku sira bandu labarik sira labele partisipa iha kampaña polítiku.

Hatan ba kestaun ne’e, Diretóra Komisaun Nasionál Eleisaun CNE Melina dos Reis hateten, órgaun eleitorál rejistu no sei hato’o informasaun liuhosi relatóriu ba nível nasionál hodi foti kestaun.

“Ami rejistu no sei hato’o relatóriu ba nasionál atu foti kestaun ruma, tanba ida ne’e labele, partidu polítika labele envolve labarik minoridade sira”, Diretóra dehan ba Agência TATOLI iha Same, ohin.

Nia dehan, maske lei bandu maibé kampaña polítiku hanesan mós festa demokrásia ida iha sosiedade nia leet, labarik sira sempre envolve iha laran tanba la’os akontese tinan ne’e, maibé iha tinan lima ba kotuk sempre nune’e.

“Labarik sira loloos labele mai partisipa iha kampaña hanesan ne’e, maibé tanba kestaun rame, inan aman sira mós bandu labele sira halai subar hakarak mai haree ita atu halo tan oinsa maibé relatóriu ita hato’o nafatin ba nasionál”, nia relata.

Antes ne’e, Dekretu Governu fó sai ona kona-bá regra no propaganda eleitorál ne’ebé bandu labarik sira partisipa iha kampaña partidu polítiku nian.

Tuir observasaun TATOLI nian iha fatin kampaña nota katak labarik minoridade halo movoimentasaun ba mai no balun utiliza atributu partidu taka tan bandeira partidu ba isin lolon.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!