iklan

MANUFAHI, MUNISÍPIU, POLÍTIKA

PDC kansela kampaña iha Manufahi tanba sei koordena ho militante sira

PDC kansela kampaña iha Manufahi tanba sei koordena ho militante sira

Partidu PDC

MANUFAHI, 21 abríl 2023 (TATOLI) – Diretora Komisaun Nasionál Eleisaun (CNE-sigla portugés) Munisipiu Manufahi Melina dos Reis hatete, hetan informasaun hosi lider Partidu Demokratiku Kristaun (PDC-siga portugés) katak partidu refere la hala’o kapmaña politiku tanba sei kordena ho militante sira.

“Lolos ohin PDC halo sira nia kampaña iha Posto Administrativu Alas Munisipiu Manufahi, maibé foin lalais ami hetan fali informasaun hosi sira nia lider balu katak sira kansela sira ania atividade ho razaun sei koordena didiak fali ho sira nia militante sira,” dehan Diretóra ne’e ba Agência TATOLI iha Same, ohin.

Antes ne’e Prezidente partidu ho númeru sorteiu 16 Francisco de Araujo inform aba Agência TATOLI via telefone katak maski la hala’o atividade kampaña maibé sira nia programa prioridade mak sei dezenvolve setór tolu hanesan, saúde, edukasaun no agrikultura sai programa prioridade bainhira povu fó fiar ba PDC hetan asentu iha Parlamentu Nasionál no envolve iha Governu.

“Ita nia programa prioridade liu iha setór tolu hanesan edukasaun, saúde no agrikuluta tolu ne’e mak importante liu ba ita nia povu, karik povu fó fiar mai ami ma kami sei dezenvolve di’ak liu tan setór hirak ne’e iklui seluk tan,” dehan Prezidente ne’e.

PDC nia haree Timor-Leste nia problema prinsipál hamutuk neen  

  1. Mina matan Bayu Undan komesa maran dadaun ona no gastu fundu minarai kada tinan sei sa’e bebeik maibé laiha impaktu signifikativu ba Dezenvolvimentu nasaun.
  2. setor produtivu sira ladun la’o durante tinan 20 nia laran atu ajuda diversifika Timor-Leste nia ekonomia.
  3. Lider partidu politiku tane malu no moris di’ak uluk ona maibe povu nafatin mukit no ki’iak.
  4. Forsa traballu no juventude barak liu kada tinan maibé empregu la iha ba sira atu sustenta moris no familia.
  5. Metade hosi populasaun moris iha liña pobreza nia okos no ma-nutrisaun as tebes.
  6. Fundadór nasaun sira komesa idade ba dadauk ona maibé sidauk iha lideransa alternativu ida atu lori povu ba moris di’ak.

PDC mai ho Jerasaun Foun, vizaun foun no programa atu kontinua luta ne’ebé hori uluk kedan partidu istoriku Frente Revolucionaria do Timor-Leste Independente (FRETILIN) nian ba moris di’ak povu nian. Luta FALINTIL sira nian, liberdade no luta estudantil sira nian hodi estuda, sai matenek no dezenovle Timor Leste.

Tamba ne’e ho PDC hakarak envolve Timoroan hotu iha prosesu dezenvolvimentu no la husik Timoroan ida iha kotuk tamba partidu, ideolojia, relijiaun ka rasa diferente.

PDC nia objetivu ba tinan lima maka atu Garante estabilidade ekonomia nasaun hodi lori povu ba morsi di’ak, ttu atinji objetivu ne’e PDC hatur programa principal ba dezenvolvimentu TL nian.

  1. Halais Dezenvolvimentu setor infrastrutura hodi liga ekonomia komunidade ba merkadu o Dezenvolvimentu estrada, ponte no drainajen hosi postu ba suku no hosi suku ba aldeia sira no Infrastrutura iha Tasi leten entre Kristo Rei ho Bidau Santa ba divertimentu juventude no tuirismu nian no aranja aviaun domestiku tolu ba Falintil- Forsa Defeza Timor-Leste (F-FDTL), Polisia Nasionál Timor-Leste (PNTL) no protesaun sosial hodi asegura riku soi, umanu no fasilita transporte fasil lais.

Hamosu enerjia alternativa renovavel hosi bee, anin no loron manas iha teritoriu tomak hodi fornese enerjia eletrika ba povu kuntinuada no baratu ho Investimentu iha fibre optiku hodi halais internet diak no baratu ba povu.

  1. Dezenvolve rekursu umanu ne’ebé saudavel no kunfiavel, kualaidade no dIgitaliza sistema atedimentu saúde ne’ebé di’ak no lais ho aranju doutor espesialista 50 ba area oioin hodi eleva kualidade atendimente Hospital Nasionál Guido Valadares (HNGV) ba nivel internasionál no aranju fasilidade saúde, ekipamentu, makina hodi ajuda pesoal saude sira nia serbisu atu hamosu industria pharmaseuticas hodi produs aimoruk esensiasiál ba Timor –Leste.

Hari ospital espesializada iha Oe-Cusse, Baucau no Manufahi  hadia infrastrututura no fasilidade eskola primaria to’o universidade no orienta aprendijaen ba produsaun o Asegura kualidade edukasaun ne’ebé hanesan ba Timoroan hotu gratuita no kualidade  fó bolsa estudu rihun rua kada tinan no fó kreditu estudu rihun $5 kada tinan ba estudante sira atu estuda no sai matenek.

  1. Haforsa investimentu iha setor produtiva no rekursu naturais ba estabilidade ekonomia nasaun nian ho aloka rai tuir ninia funsaun no hase investimentu ba setór agrikultura no turizmu nudar baze ba ekonomia nasaun nian, hasae produsaun agrikula hodi asegura sustentabilidade aihan rai laran no hamenus importasaun ba 20% no explora turizmu istoriku, relijiozu no naturais hodi hasae númeru vizitante no kriasaun empregu iha baze hamosu banku no empreza agrikula hodi fó insentiva no kreditu ba agrikulto sira.
  2. Simplika burokrasia no desentraliza administrasaun públika ba povu, halais desentralizasaun ba administrasaun públika ho lais no kualidade, fahe rejiaun ba Ramelau, Kablaki, Matebian no Reziaun Administrativu Oe-Cusse Ambeno (RAEOA) hamosu asembleia Munisipal, despartidariza funsaun públika hodi fó atendimentu publiku ne’ebé di’ak ba povu tomak, aloka orsamentu rihun $100 – $250 kada tinan ba suku no aldiea hodi halais dezenvolvimentu iha baze no kria empregu formal no naun formal iha suku ho aldeia sira.

Kontrola masimu funsionamentu administrasaun públiku no haforsa zero toleransia ba korupsaun.

  1. Juventude eroi (juventude mak pasadu, presente no future RDTL ninian), haforsa parseru internasionál ba kriasaun empregu ba juventude sira iha rai liur ho alvu 5% total populasuan serbisu iha liur hodi kontribui ba dezenolvimentu, hari Minister Traballu no juventude ba haforsa formasaun tekniku ba juventude sira tuiir nesesidade merkadu, haforsa setór privadu liu hosi kreditu funan kiik hodi kria empregu ba juventude sira iha rai laran.

Kria empregu 25 kada suku kada tinan durante tinan lima nian laran o formaliza setor informal ba kriasaun empregu liu hosi formasaun no kreditu.

  1. Valoriza no rekunese lideransa nasionál, idozu, joven no labarik sira ba istoria no futuru nasaun nian, estadu rekunese Kayrala Xanana Gusmão nudar lider restaurador Independensia no Aman ba nasaun.

Estadu rekuñese timoroan hotu ne’ebé vota ba ukun rasik aan iha tinan 1999 hodi hametin istoria libertasaun nasionál iha familia idaidak iha Timor-Leste laran tomak, kuntinua no hadia pensaun idozu, veteran, juventude no jerasaun foun sira atu hala’o programa lima ne’e mak PDC uza estratejia hat ka H3K katak Hadia, Hasai, Hamosu no Kontinua (bele hare iha brosur ne’ebé sirkula ona) no explora didiak.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!