Kompañia Aitula normaliza estrada Beemean iha Zumalai finaliza ona
COVALIMA, 24 abríl 2023 (TATOLI)–Diretór Servisu Obra Públika Munisípiu Covalima, Alberto Cardoso, hateten Kompañia Aitula Unipesoál, Lda, finaliza ona hala’o normalizasaun estrada beemean ligasaun entre munisípiu Covalima ba munisípiu Bobonaro.
Notísia Relevante: Ministru Abel Pires observa direta estrada Beemean iha Zumalai
“Estrada Beemean postu administrativu Zumalai liga ba munisípiu Bobonaro ne’ebé kotu total, tanba impkatu hosi dezastre naturál udan boot iha loron 12 fulan-abríl ne’e, Ministru Obra Obra públika tun kedas hosi halo observasaun direta no ha’u mós simu telefone hoi dirasaun jerál Estrada Ponte Prevensaun Kontrolu Seias,” Diretór Servisu Obra Públika Munisípiu Covalima, Alberto Cardoso, hateten ba Agência Tatoli, iha nia kna’ar fatin, Santa Rosa, segunda ne’e.
Hafoin estrada Beemean kotu, servisu obra públika submete kedas karta no iha loron 13 fulan-abríl ne’e Ministru Obra Públika Abel Pires to’o kedas iha fatin hodi halo observasaun no fó kedas orientasaun ba kompañia hodi halo normalizasaun.
“Ami mós hetan kontaktu kedas hosi dirasaun jerál hosi haruka enjiñeiru atu halo observasaun estrada iha loron 17 fulan-abríl ami ba kedas terrenu, nune’e hafoin finaliza hala’o normalizasaun, movimentu transporte públika, privadu no ema la’o normal fali,” nia dehan.
Antes ne’e, Ministru Obras Públika, Abel Pires hala’o ona observasaun direta no fó kedas orientasaun ba kompañia Aitula hodi halo normalizasaun, nune’e labele difikulta movimentu transpote públiku, privadu no ema hosi Covalima ba munisípiu Bobonaro.
Jornalista : Celestina Teles
Editór : Cancio Ximenes
