STAE Covalima rejista eleitór elizivél 49.436
COVALIMA, 26 abríl 2023 (TATOLI)–Sekretáriu Tékniku Administrasaun Eleitorál (STAE) Covalima rejista eleitór elizivél iha munisípiu Covalima hamutuk na’in-49.436 ne’ebé sei ezerse sira-nia direitu votu iha eleisaun parlamentár ne’ebé sei realiza iha 21 maiu 2023.
“Eleitór elizivél iha Covalima ne’ebé Sekretáriu Tékniku Administrasaun Eleitorál (STAE) Covalima rejista hamutuk na’in-49.436 ne’ebé kompostu hosi mane 2.5220 no feto 2.4216 dadus eleitór elizivél ne’e,” Diretór STAE Munisípiu Covalima, Francisco Gusmão, hateten ba Agência Tatoli iha edifísiu STAE Covalima, Kampung Baru, kuarta ne’e.
Eleitór na’in-49.436 ne’e kompostu hosi mane hamutuk 2.5220 no feto ema na’in-2.4216, no eleitór foun na’in-942 ne’ebé kompostu hosi mane hamutuk 476 no feto na’in-466, nune’e eleitór atualizadu 1830 kompostu hosi mane 1.016 no feto 814.
Ho nune’e, STAE mós rejista eleitór ne’ebé mate iha munisípiu Covalima, hamutuk na’in-353 ne’e kompostu hosi mane 186 no feto 167.
Entertantu, eleisaun parlamentar tinan 2023, STAE covalima estabalese sentru votasaun 100 no estasaun votasaun 120.
Enkuantu, bazea ba dadus iha tinan 2022 STAE Covalima rejista eleitór elizivél hamutuk 4.8830 kompostu hosi mane 2.4950 no feto 2.3880.
Jornalista : Celestina Teles
Editór : Cancio Ximenes
