Ataúru 28 abril 2023 (TATOLI)- Sekretariadu Tékniku Administrasaun Eleitorál (STAE) realiza workshop ho autoridade relevante hodi prepara ba eleisaun parlamentár 2023.
Xefe departamentu STAE, Edukasaun Eleitorál, Kaseres Ximenes hatete objetivu prinsipál husi workshop ida ne’e hodi halo koordenasaun husi parte hotu-hotu tantu autoridade lokál, seguransa PNTL, inklui mós komponente ne’ebé mak partisipa iha eleisaun hanesan Fisikais, observadór, Media komunikasaun sosiál no partidu polítiku.
“Ita fahe informasaun husi parte ba parte relevante sira hotu kompostu husi autoridade lokál, seguransa PNTL, inklui mós komponente ne’ebé mak partisipa iha eleisaun hanesan Fisikais, observadór, Média komunikasaun sosiál no partidu polítiku sira, atu sira bele iha komprensaun di’ak liu tán kona-ba regra eleitorál ba eleisaun parlamentár nian no preparasaun ba dokumentu importante sira presiza atu uza hodi ba vota,’’ Xefe departamentu STAE, Edukasaun Eleitorál, Kraseres Ximenes informa ba Média iha Mau- Meta villa, sesta ne’e.
Karseres hateten, Matéria sira ne’ebé STAE formula ona iha workshop ne’e atu ajuda parte ida-ida bele komprende sira nia papél iha períodu eleisaun parlamentár.
Além de ne’e parte Komisaun Eleisaun Nasionál (CNE) mós bele koordena malu hamutuk, atu bele Lori eleisaun parlamentár ne’e bele la’o ho di’ak liu tán iha munisípiu Ataúru.
Administradór munisípiu Ataúru, Domingos Soares hato’o agradese wain ba STAE nasionál ne’ebé bele mai ona realiza workshop hodi koali’a kona-ba preparasaun eleisaun hodi bele lori munisípiu Ataúru atu bele hala’o eleisaun eleitorál bele hetan rezultadu pozitivu no susesu.
“Ida ne’e nu’udar eleisaun dahuluk iha munisípiu Ataúru tanba administramente Ataúru bele realiza eleisaun parlamentár iha munisípiu Ataúru,’’ Administrador informa
Semináriu ne’e realiza durante loron rua hahú iha kinta to’o sexta, no partisipa hosi ema hamutuk 40.
Jornalista: José Belarmino De Sá
Editora: Nelia Borges
