MANATUTO, 30 abríl 2023 (TATOLI)–Sekretáriu Jerál partidu União Democrático Timorense (UDT), Nikson Elvio Madeira Lay, husu ba militante no simpatizante atu nafatin respeita no hakruuk ba regra no orden Estadu nian.
“Fó hanoin ba militante no simpatizante, iha 21 loron maiu 2023 labele lori atributu partidu iha sentru no estasaun votasaun nian. Ita tenke respeita regra no orden Estadu, kuandu ita kontra, ita rasik simu nia konsiénsia,” Sekretária Jerál hateten durante mini kampaña, iha área Ailili, munisípiu Manatuto, domingu ne’e.
Notísia relevante : UDT asegura povu nia moris di’ak-tane aas kultura-hadi’a governasaun
Biban ne’e, UDT hakarak fanun militante no simpatizante, liuliu joven ne’ebé nu’udar futuru Timor-Leste atu iha konsensu halo dezenvolvimentu ba nasaun.
“Ita-boot sira mak na’in ba dezenvolvimentu hodi harii pás no estabilidade, nune’e ha’u hakarak fó mensajen katak tenke disiplina ba regra,” nia fó hanoin.
Aleinde ne’e, nia husu joven sira atubele sai sidadaun di’ak no fó kontribuisaun ba nasaun.
Jornalista : Osória Marques
Editór : Cancio Ximenes
