AILEU, 30 abríl 2023 (TATOLI) – Xefe Governu Taur Matan Ruak, simu ona konvite atu partisipa iha konferénsia altu nivél Association of Southeast Asian Nations (ASEAN) iha Labuan Bajo, Provínsia Nusa Tengara Timur (NTT), Indonézia
“Iha loron 9 fulan maiu, ha’u sei ba Labuan Bajo hodi partisipa konferénsia altu nivél Association of Southeast Asia Nations tanba ita sai ona membru ASEAN ba dala 11 no sai ona família bo’ot ASEAN nian”, Taur Matan Ruak hateten lia hirak ne’e perante militante simpantizante sira iha komísiu Partidu Libertasaun Populár nian iha kampu Sabraka Laran Aileu Vila, Munisípiu Aileu, domingu, ohin.
Rekorda fali katak Timor-Leste iha 2011 submete ona pedidu ba lider ASEAN hodi hato’o prontidaun hakarak sai nasaun membru ASEAN ba dala-11 no ikus mai Timor-Leste sai ona observadór bainhira nasaun membru sira simu ona Timor-Leste iha tinan kotuk maibé seidauk full member.
Jornalista: Natalino Costa
Editór : Zezito Silva
