iklan

HEADLINE, SAÚDE

MS: Pasiente 80 hetan trantamentu no rua lakon vida iha estranjeiru

MS: Pasiente 80 hetan trantamentu no rua lakon vida iha estranjeiru

Xefe departamentu ospitalár MS, Elimita Augusta. Imajen Tatoli/Felicidade Ximenes

DILI, 02 maiu 2023 (TATOLI) Xefe Departamentu hosi Diresaun Nasionál Apoiu Servisu Opsitalár, Emilita Augusta, informa husi janeiru to’o marsu, Ministériu Saúde halo ona transferensia ba pasiente sira hamutu 80, hodi ba trantamentu iha rai-liur maibé na’in rua mak lakon vida.

“Husi janeiru to’o marsu, Governu liuhosi MS haruka pasiente ba nasaun Indonézia, Malasya no Singapura ho totál  pasiente hamutuk 80, iha tratamentu na’in-rua mak mate”, Emilita Augusta dehan iha nia kna’ar fatin Caicoli, ohin.

Nia rekorda, iha janeiru, paisente sira ne’ebé MS haruka ba halo tratamentu hamutuk 29, fevereiru 21 no marsu 30,  entaun pasiente sira ne’e ho nia kazu moras aas mak onkolojia, sirujia jerál no kardilojia.

“Husi númeru 80 ne’e, maioria onkolojia hamutuk 28, sirrurjia jerál 12 no kardiolojia na’in lima. Pasiente sira seluk afeta ba moras urulojia, ortopiolojia, neufralojia no seluk tan”, nia esplika.

Nia afirma, janeiru to’o marsu pasiente mate rua, ida mate iha Indonézia ho moras kardilojia no na’in ida mate iha Singapura ho moras onkolojia.

Nia subliña, husi kazu sira ne’e, ema ho idade 30 ba leten mak durante ne’e halo transferénsia ba Indonézia, Malasya no singapura.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!