AILEU, HEADLINE

MLPM la konsege halo kampaña iha Aileu

MLPM la konsege halo kampaña iha Aileu

Bandeira Partidu MLPM

AILEU, 03 abríl 2023 (TATOLI) – Sekretáriu Jerál Partidu Movimentu Libertasaun Povu Maubere (MLPM ), José Domingos Martis ‘Belac’ hateten, MPLP la konsege halo kampaña iha Suku Seloi Malere tanba ladún halo preparasaun másimu.

“Ami la konsege halo ami-nia kampaña ho tipu komísiu no door to door tanba fallansu iha Suku Seloi, ami-nia koordenadór mak ladún halo preparasaun másimu. Tanba ne’e, ami kansela no horseik ami kontinua kedan ami-nia kampañia iha Maliana”, José Domingos Martis hateten ba TATOLi via telefone, kuarta ne’e.

Nia dehan, kampaña MPLP nian iha Munisípiu Aileu sei la realiza tan ona maibé sei kontinua de’it iha munisípiu sira seluk. “Aileu ami sei la halo tan kampaña no kontinua de’it ba  munisípiu sira seluk’’, nia informa.

Iha biban ne’e, José Domingos Martis, informa katak kuandu MPLP povu fó fi’ar mak sei defende polítika poder lokál no dezentralizasaun administrativa liuliu sei aloka millaun $5 atu jere rasik nia osan hodi halo dezenvolvimentu iha kada munisípiu.

MLPM mós kompromete atu moderniza setór saúde, kada ospitál dezenvolve ona ba klase A, iha ona espesialista ba orgaun ema tenke kompleta koloka ona iha ne’eba.

Kona-ba edukasaun, nia dehan presiza hahú hosi aldeia, suku, postu no munisípiu. Aposta ba pré-eskolar, primaria pré-sekundária to’o sekundária no kada postu ne’e iha ona universidade ne’ebé mak kompleta ho fasilidade sira.

Fó kapasitasaun no formasaun ne’ebé adekuadu ba profesór sira atu bele iha koñesimentu no méritu duni ba nia profisaun ba ensinu nian ne’ebé atu eduka estudante ho kualidade.

MLPM iha mós polítika fó subsídiu ba estudante sira ne’ebé hetan valór di’ak sei simu osan $10 pré-sekundária sei hetan $25 no sekundária sei hetan $50, nune’e nia iha motivasaun hodi estuda atu hetan valór di’ak nafatin.

MLPM mós sei loke sentru formasaun kada postu administrativu atu fasilita joven sira labele mai tuir formasaun maibé iha de’it munisípiu.

Jornalista: Natalino Costa    

Editór : Zezito Silva

iklan
iklan

Leave a Reply

iklan
error: Content is protected !!