iklan

EDUKASAUN, COVALIMA

Autoridade Covalima husu MEJD konstrui biblioteka munisipál

Autoridade Covalima husu MEJD konstrui biblioteka munisipál

Sekretáriu Administrasaun Munisípiu Covalima, Francisco de Jesus Alves. Imajen Tatoli/Celstina Teles.

COVALIMA, 04 maiu 2023 (TATOLI)–Reprezentante Administradór Munisípiu Covalima, Francisco de Jesus Alves, husu ba Ministru Edukasaun Juventude no Desportu (MEJD), Armindo Maia, atu konstrui biblioteka munisipál.

“Ha’u hakarak husu ba Ministru Edukasaun Juventude no Desportu (MEJD), Armindo Maia, karik sei iha biban no kontinua governasaun mai, atu bele hanoin hosi konstrui biblioteka munisipál,” Francisco de Jesus Alves hato’o liuhosi nia diskursu, iha serimónia inaugurasaun projetu komunitariu 15 iha Covalima liuhosi entrega plaka ba Servisu Edukasaun Covalima, iha resintu eskola sekundária jerál Suai, kuarta ne’e.

Razaun autoridade Covalima husu atu harii bilioteka munisipál, tanba agora jerasaun foun sira liu-liu labarik estudante sira-ne’e maiória halimar telfone hodi asesu internet atu haree liu Facebook, WhtasApp, Instagram duké buka tempu atu lee livru.

“Tempu agora, ita-nia jerasaun foun sira barak mak halimar telefone, liu-liu envolve ka asesu média sosiál barak liu, ho nune’e halo ema barak baruk atu lee livru. Ho hanoin ida-ne’e, ha’u husu ba Ministru Edukasaun Juventude no Desportu (MEJD), ami hakarak harii bliblioteka munisipál ida, atu nune’e atrai ita-nia jerasaun foun sira bele sees hosi mídia sosiál, hodi bele lee livru atu bele aprende siénsia loloos no ba futuru ne’ebé di’ak,” nia dehan.

Ministru Edukasaun Juventude no Desportu Armindo Maia esplika, Ministériu Eduksaun nia kna’ar atu konstrui biblioteka iha eskola sira maibé kona-ba kontrui biblioteka munisipál nian ne’e, ida-ne’e kompeténsia hosi Sekretáriu Estadu Arte no Kultura ne’ebé Ministériu Ensinu Superior Siénsia no Kultura nia okos.

“Ha’u responde iha ha’u-nia diskursu maibé ha’u hato’o ona ba sekretáriu munisipál katak blibioteka munisipál iha kompeténsia hosi Sekretáriu Estadu Arte no Kultura ne’ebé Ministériu Ensinu Superiór Siénsia no Kultura nia okos. Ha’u-nia kna’ar atu konstrui biblioteka iha eskola sira,” nia hateten.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!