HEADLINE, SAÚDE

KPF fó pose ba funsionáriu na’in hitu hodi servisu ho responsabilidade

KPF fó pose ba funsionáriu na’in hitu hodi servisu ho responsabilidade

Funsionáriu nain-7 hosi Komisaun Funsaun Públika (KFP), simu posse hanesan tékniku profesional ba grau C no D, iha salaun KFP Matadoru, sesta (05/05). Imajen Tatoli/Francisco Sony

DILI, 05 maiu 2023 (TATOLI) – Komisaun Funsaun Públika (KFP) fó tomada pose ba funsionáriu na’in hitu hodi servisu ho resposanbilidade no kualidade ne’ebé mak di’ak iha instituisaun Estadu nian.

“Agradese ba emposadu na’in hitu ne’ebé mak liu iha selesaun hodi servisu iha diresaun dezenvolvimentu sistema nian ho sensibilidade aas ho resposanbilidade ho kualidade ne’ebé mak di’ak hodi hetan satisfasaun no konfiansa husi povu no ba instituisaun Estadu sira”, Prezidente Komisaun Funsaun Públika, Faustino Cardoso, hateten iha nia diskursu  bainhira remata fó tomada posse ba emposadu sira iha salaun KFP Matadoru, ohin.

Nia agradese ba painel juri no vogál sira no tékniku sira ne’ebé mak durante ne’e apoiu hodi servisu hamutuk mak ohin loron bele realiza serimónia tomada posse ida ne’e.

“Ha’u mós agradese ba painel juri no vogál sira ne’ebé mai husi Ministériu Justisa no mai husi Tribunál Rekursu no tékniku sira ne’ebé apoiu durante sevisu hamutuk mak ohin loron bele realiza serimónia termu aseitasaun ida ne’e”, nia dehan.

Lider KFP ne’e esplika, prosesu ida ne’e, mai husi redifinisaun ba prioridade Komisaun Funsaun Públika ba terseiru mandatu nian, entaun ho hanoin ida atu oinsá  KFP bele adapta no ajusta an ho evolusaun ikus liu iha mundu nian tanba ezijénsia ba dijitalizasaun oras ne’e sai nu’udar prioridade iha ne’ebé teknolojia informátika dezenvolve makas tebes no sistema oinoin hodi halo fasíl ba prosesu administrasaun ne’ebé efisiénsia no efikasia hodi atende nesesidade públiku nian.

Emposadu na’in hitu ne’e mak hanesan Marfilho Fidel Alvares Pereira ho kategoria TP C  eskalaun 1, Maxibiano  Soares Horacio ho kategoria  TP C  eskalaun 1, Afonso Maria Pereira TP C  eskalaun 1, Alexandre da Costa TP C  eskalaun 1, Lourenço Aquelino  Lobato  Perreira TP C eskalaun 1, Silvino  de Jesus  Albano  TP D  eskalaun 1, Salus de Carvalho  Nura Brito  TP D  eskalaun 1.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!