Top

Manufahi deklara ona livre hosi ALFA, kontinua fali ho ALMO

Administradór Munisípiu Manufahi, Arantes Isaac Sarmento. Imajen/Espesiál

MANUFAHI, 05 maiu 2023 (TATOLI) – Administradór Munisípiu Manufahi Arantes Isaac Sarmento, hateten Manufahi deklara ona iha tinan 2019 katak livre ona hosi Área La-soe Foer Boot Arbiru (ALFA) no agora kontinua fali ba programa ida Área Liman Moos (ALMO).

“Kona-ba ba programa ALFA, Manufahi deklara ona iha tinan 2019, katak iha ne’e ema hotu iha ona sentina permanente no temporáriu, agora daudaun, ita tama fali ona iha ALMO nian, foin mak deklara iha Postu Administrativu Alas”, administradór dehan ba jornalista sira iha edifísiu Administrasaun Manufahi, sesta ne’e.

Nia dehan, kona-ba ALMO nian, parte hotu servisu makas hela atu iha tempu besik sei deklara Manufahi livre ona hosi ALMO.

“ALFA nian ita deklara tia ona parte sekretariadu kontinua nafatin halo monitorizasaun no avaliasaun ba implementasaun sira ne’ebé ita halo ona”, nia relata.

Rekorda katak outubru tinan 2019, Munisípiu Manufahi deklara ona livre hosi ALFA, nune’e autoridade Munisípiu Manufahi deside Postu administrativu Alas hanesan postu pilotu ba implementasaun polítika saneamentu báziku ba eskada tolu hanaran suku ka Postu Administrativu Manufahi hanaran ALMO.

Liu husi atividade oioin iha tinan 2019 liu no iha tinan 2022 determina ona rezultadu ho 94,7% sentina melloramentu no 5,3% mak seidauk melloradu no hare ba persentajen postu Alas bele deklara ona nu’udar postu ijiéne ka AALMO.

Programa ALFA no ALMO implementa hosi VIII Governu Konstitusionál liuhosi Ministériu Saúde (MS) ba teritórriu hotu atu evita soe foer boot arbiru no kada uma-kain tenke iha sentina atu hadok aan hosi moras oioin.

Jornalista: Hortencio Sanchez

Editór : Zezito Silva

Publisidade

Leave a Reply

Latest Post

error: Content is protected !!