AILEU, 05 maiu 2023 (TATOLI) – Diretór Servisu Rejistu Notariadu Munisípiu Aileu, Frederico Paul Fátima, informa notariadu Munisípiu Aileu, hahú hosi janeiru to’o marsu, hatama rendimentu ba konfre Estadu hamutuk $ 5.450.
“Durante treimestre dahuluk, hahú hosi fulan janeiru to’o marsu, ita koleta reseita hamutuk $ 5.450”, Frederico Paul Fátima hateten ba TATOLI iha nia kan’ar fatin Aileu Vila, sesta ne’e.
Nia dehan, reseita sira ne’e mai hosi komunidade sira ne’ebé mak trata passaporte.
“Maibé agora daudaun, atendimentu ba passaporte ami la halo, tanba desizaun ministériu nian, entaun temporariamente ita para hela, ita só halo atendimentu ba BI no Sertidaun Moris”, Frederico Paul konklui.
Jornalista: Natalino Costa
Editór : Zezito Silva
