AILEU, 07 maiu 2023 (TATOLI) – Prezidente Partidu Kongresu Nasionál Rekonstrusaun Timorense (CNRT, sigla portugés), Kayrala Xanana Gusmão, kompromete katak kuandu CNRT manán iha eleisaun parlamentár mak sei halo auditoria ba servisu VIII Governu hodi hatene tuir orsamentu hirak mak ezekuta no ba programa saida de’it.
“Kundu ita manan ita sei loke auditoria ba VIII Governu atu hatene de’it, ministériu sira ne’ebé uza osan ba saida de’it”, Xanana afirma iha komísiu polítiku Partidu CNRT iha kampu football Sabaraka-Laran Aileu Villa, domingu ne’e.
Xanana nota katak mandatu VIII Governu gasta ona billaun 10 maibé laiha benefísiu.
Nia fó ezemplu katak hanesan programa Cesta Básica, Governu fahe ai-han maibé povu balun la hetan no balun de’it, Governu laiha polítika ba implementasaun programa ida ne’e, povu kontinua halerik no laiha benefísiu ne’ebé di’ak ba povu, emprezáriu mak hetan benefisiu barak.
“Tanba ne’e ita manán ita sei loke auditoria ba ida ne’e”, Xanana akresenta.
Lider nasionál ne’e afirma tán katak bainhira CNRT maman atu hadia mós setór justisa no seitór sira seluk tán ne’ebé mak iha planu no programa CNRT nian.
Tanba ne’e, Xanana husu ba povu atu hili CNRT ho númeru sorteiu 12 iha eleisaun ne’ebé sei akontese iha 21 maiu 2023
Jornalista: Natalino Costa
Editór : Zezito Silva
