DILI, 08 maiu 2023 (TATOLI)—Parlamentu Nasionál (PN), segunda ne’e, lihosi reuniaun plenária hato’o votu númeru 14/2023 kongratulasaun ba nomeasaun pradre Leandro Maria Alves ba Bispu foun dioseze Baucau.
“Rezultadu votasaun a-favór 25, kontra 0 no abstensaun 0, nune’e votu kongratulasaun ba nomeasaun pradre Leandro Maria Alves ba Bispu foun Diozese Baucau aprovadu,’’Prezidente Parlamentu Nasionál, Aniceto Longuinhos Guterres Lopes, hateten iha sala plenária PN.
Tuir testu votu kongratulasaun ne’e meza lee sai katak, kongratulasaun ba noemasaun padre Leandro Maria Alves hanesan ba Bispu Diozese Baucau, konsidera importánsia igreja katólika hanesan instituisaun relijioza ba nasaun ne’e no nia kontribuisaun ba dezenvolvimentu sosiedade timorense.
PN liuhosi sesaun plenária ne’e hodi kongratula padre Leandro no ho nia família ho igreja katólika Timor-Leste, no dejeza susesu misaun foun hanesan Bispu hodi hamutuk ho dioseze Baucau.
Deputada Proponente, David Dias Ximenes ‘Mandati’, hateten ko’alia kona-ba ita nia Bispu foun kongratula, hein katak papél ka tarefa foun ida-ne’e bele hamosu empeñamentu foun ho forma igreja bele dezenvolve di’ak liu.
Jornalista : Nelson de Sousa
Editór : Cancio Ximenes
