AILEU, 09 maiu 2023 (TATOLI) – Governu Austrália liuhosi programa Partisipa iha Timor-Leste, disponibiliza asesór dezevovimentu urmbana nain ida ba Administrasaun Munisipál Aileu atu ajuda servisu, fó asesoria hodi melllora servisu Administrasaun Munisipiu Aileu ho di’ak liután iha futuru.
Apoia Governu Austrália liuhosi programa Partisipa iha Timor-Leste, fó apoiu asesór nain ida ba Administrasaun Munisipál Aileu bazea ba akordu Governu Timor-Leste liuhosi Ministériu Administrasaun Estatal (MAE) liuhosi akordu asinatura ba tinan 10 hahú 2021-2031 liuliu haree liu ba implementasaun, Programa Nasionál Dezenvolvimentu Suku (PNDS) apoiu operasaun no manutensaun ba sistema be’e rurál no mós estrada rurál iha teritóriu Timor-Leste.
Aleinde ne’e mós sei apoiu ezisténsia téknika planeamentu no jestaun finansa públika, aprovizionamentu dezentralizasaun nudar área prinisipál polítika Governu nian tanba ida ne’e nudar komponente xavé hodi apoiu Governu TL atu hametin sistema Governu nian iha nivél nasionál no sub-nasionál, munisipiu no postu adminiatrativu sira, nudar fase importante tebes molok implementasaun poder lokál.
Ministru Adminstrasaun Estatál Miguel Carvalho iha nia mensajen ne’ebé lé sai hosi Diretora Nasionál ba Organizasaun Urmana, Ministériu Administrasaun Estatal (MAE), Maria Goreti, hateten, MAE hamutuk ho Programa Partisipa, entrega asesór nain ida ba Munisipiu Aileu hodi dezenvolve no mellora munisipál Aileu nian.
“Ohin ita hamutuk asiste serimónia entrega asesór hosi Partisipa ba Adminitrasaun Aile”, Ministru Adminstrasaun Estatál Miguel Carvalho iha nia mensajen durante serimónia entrega asesó.
Governante husu ba dirijente munisípiu sira, atu utiliza didiak rekursu ne’ebé Govenu tau ona, hodi apoiu prioridade importante Governu nian iha nivél sub-nasionál, munisipiu no postu adminiatrativu.
Nia agradese ba Governu Austrália liuhosi nia parseiru Partisipa, DFAT ne’ebé kontinua fó apoiu ba Governu TL liuhosi MAE hodi reforsa kapasidade munisípiu iha polítika dezentralizasaun, nune’e bele garante públiku ba komunidade sira iha munisipiu ho kualidade.
Responsavél másimu, Programa Partisipa iha Timor-Leste, Fiona Hemilton, hateten Govenu Austrália liuhosi programa Partisipa kompromete kontinua apoia Timor-Leste iha dezenvolvimentu ba kualker setór.
“Austrália lihosi nia Programa Partisipa iha Timor-Leste, kontinua apoia Timor-Leste hodi dezenvolve no fortelese polítika Ministru Administrasaun Estatal liuliu ba polítika dezentralizasaun”, nia dehan.
Sekretáriu Munisipál Aileu, Felis Maria de Oliveira, agradese ba MAE no Governu Austrália liuhosi Progrma Partisipa, tanba bele apoia ona asesór ida atu bele ajuda servisu administasaun munisípiu nian.
“Ha’u hanoin ida ne’e bele fó apoiu ba melloramentu servisu administrasaun Aileu. Ho apoiu ida ne’e bele haforsa no dezenvolvimentu polítika dezentralizasaun poder lokál”, nia konklui.
Jornalista: Natalino Costa
Editór : Zezito Silva
