AILEU, 09 maiu 2023 (TATOLI) – Prezidente Partidu Demokrátiku (PD) Mariano Asanami Sabino, hateten kuandu povu fó fiar ba PD hodi kaer ukun mak sei harii indústria kafé iha Aileu.
“Aileu ne’e mós poténsia ba kafé, tanba ne’e kuandu PD kaer ukun ita sei harii indústria kafé ida iha Aileu”, Asanami hateten iha komísiu polítiku PD ne’ebé kampu football Sabaraka-Laran Aileu Vila, tersa ne’e
Lider PD ne’e hateten, partidu mós iha planu atu hamosu sidade peska, sidade indústria no sidade agrikulura atu bele dezenvolve produtu Timor-Leste.
Tuir nia, Timor-Leste ne’e poténsia ba setór agrikultira, peskas, turizmu ne’ebé presiza atu dezenvolve no halo diversifikasaun ekonómia.
Iha fatin hanesan, Prezidente Komisaun Polítika Nasionál (CPN), Adriano Nascimento realsa, munisípiu ne’ebé konsidera hanesan zona produsaun ba kafé ne’e presiza duni harii indústria kafé.
“Hanesan iha Aileu mós iha poténsia ba kafé, entaun ita sei harii indústria kafé ida iha Aileu”, nia revela.
Jornalista: Natalino Costa
Editór : Zezito Silva
