AILEU, 09 maiu 2023 (TATOLI) – Prezidente Partidu Demokrátiku(PD) Mariano Asanami Sabino, kompromete kuandu PD manán iha eleisaun parlamentár mak sei harii akademia militár no akademia polísia atu prodúz superiór militár no polísia ne’ebé ho kualidade.
“Ami mak lidera duni Governu mak ita sei halo akademia ba F-FDTL no akademia PNTL. Akademia ida ne’e kualidade hodi forma ita-nia militar no polísia hodi sai ofisiál no superiór (perwira) ne’ebé kualidade”, Mariano Asanami Sabino, hateten iha komísiu polítiku PD ne’ebé hala’o iha kampu football Sabaraka-Laran Aileu Vila, tersa ne’e
Nia dehan, akademia militár no polísia sei fó oportunidade ba membru PNTL no F-FDTL sira, laos domina iha área polísia no militár maibé domíniu mós área sira seluk, atu kuandu membru PNTL no F-FDTL pasa ba idade reforma, Estadu kontinua aproveita sira hodi lider instituisaun seluk.
Asanami observa, durante ne’e polisiá, Governu ladún tau matan hodi dezenvolve ho di’ak, maske agora Governu halo ona lei balun atu hahú dezenvolve maibé seidauk di’ak liu.
“Ita haree eis-Komandante Jerál PNTL Julio Hornai ba kaer kargu adidu ida ne’e tuir loloos labele ka’er kagu emabaixadór tanba ita laiha vontade”, nia preokupa.
Iha biban ne’e, PD mós promete katak kuandu PD ukun, sei konstrui kazerna ba membru PNTL sira atu nune’e sira bele iha kondisaun nune’e halo servisu ne’ebé di’ak ba instituisaun no povu.
Jornalista: Natalino Costa
Editór : Zezito Silva
