DILI, 09 maiu 2023 (TATOLI)—Parlamentu Nasionál (PN), tersa ne’e, liuhosi reuniaun plenária aprova projetu rezolusaun PN númeru 126/V(5a) kona-ba devolusaun restu mortál durante libertasaun nasionál Timor-Leste ho votu a-favór 36, kontra 0 no abstensaun 0.
“Nune’e, projetu rezolusaun PN númeru 126/V(5a) kona-ba devolusaun restu mortál durante libertasaun nasionál Timor-Leste aprovadu,” Prezidente Parlamentu Nasionál, Aniceto Longuinhos Guterres Lopes, hateten iha sala plenária PN.
Nia hatutan, rezolusaun ne’e trata asuntu interrese nasionál ne’ebé aprezenta projetu rezolusaun ne’e mai hosi Deputadu bankada parlamentár ida-idak.
Tuir testu projetu rezolusaun ne’e, meza PN lee sai katak PN rezolve iha termu artigu 92 konstituisaun repúblika, nune’e liuhosi projetu rezolusaun ne’e hasai pontu importante lima.
Pontu dahuluk, mak exortar ao governo Repúblika Demokrátika Timor-Leste (RDTL) notifikasaun ofisiál hamutuk ho Governu Repúblika Indonézia, ho konsiderasaun kontinua preokupasaun povu Timorense, sob apoiu pluripartidáriu, restu mortal ba nia nia mártir no respetiva rekoilla kualifika hanesan objetivu Estadu RDTL.
Daruak, intervir, actuar e pronunciar, hamutuk ho Governu Indonézia, liuhosi Governu RDTL, hodi manifesta no demostra bom sensu povu Indonézia, prezente problemátika, será inolvidável na geração presente bem come nas gerações vindouras.
Datoluk, envidar esforsu Governu RDTL ho Governu Indonézia, hanesan parseiru istóriku, konsiderasaun preokupasaun hosi povu timorense no respeitu ba nia eróiu da pátria.
Dahaat, kolabora ho Governu Indonézia, por intermédiu Governu RDTL, iha kooperasaun mútua rekolla no tratamentu restu mortal erói tombados iha rezidénsia nasionál.
Ikus dalimak, enkarrega Prezidente Parlamentu Nasionál transmite prezente rezolusaun ba Governu Timor-Leste no Dewan Perwakilan Rakyat, kámara reprezentante repúblika Indonézia.
Enkuantu projetu rezolusaun ne’e aprezenta hosi Deputadu proponente David Dias Ximenes ‘Mandati’, Francisco David Xavier Carlos, José Agostinho Sequeira Somotxo, Domingos Carvalho de Araújo, Maria Rosa da Camara ‘Bisoi’, Noe da Silva Ximenes ‘Buka Tuir’, Regina Freitas, Corneilo Gama ‘L7’.
Jornalista : Nelson de Sousa
Editór : Cancio Ximenes
