COVALIMA, 10 maiu 2023 (TATOLI)- Durante fulan-haat Bee Timor-Leste, Empreza Públika (BTL, Ep), kontribui osan hamutuk $ 8.090,60 ba kofre Estadu, Koordenadór (BTL, Ep), munisípiu Covalima, Castro Dody Ramos, relata.
“Hahú fulan-janeiru to’o abríl tinan 2023, Bee Timor-Leste, Empreza Públika (BTL.ep) kontribui reseita $ 8,090,60 ba kofre estadu,” Castro dody Ramos relata ba Agência TATOLI, kuarta ne’e, iha Covalima.
Totál reseita ne’e, nia dehan BTL,Ep rekoilla husi kliénte hamutuk 1.217 ne’ebé pursentu 85(%) selu tarifariu bazeia ba fornesimentu bee moos ba konsumidór sira.
BTL,Ep sei kontinua hadi’a sistema forñesimentu bee moos ba kliente sira ho di’ak tanba daudaun ne’e, kliente barak sei preokupa kona-ba forñesimentu bee moos la masimu.
Nia hateten sistema forñesimentu bee moos la másimu tanba sistema kanalizasaun bee moos ne’ebé tuan ona hodi afeta ba prosesu forñesimentu bee moos ba komunidade.
Nune’e, BTL.Ep halo distribuisaun bee-moos tuir oráriu ne’ebe maka iha tanba débitu bee moos la sufisiente hodi halo distribuisaun ba komunidade durante oras 24 lorloron.
Jornalista :Celestina Teles
Editór : Agapito dos Santos
