iklan

MUNISÍPIU, VIQUEQUE

Empreza hahú ona reabilita dalan rurál pakote 11 iha Viqueque

Empreza hahú ona reabilita dalan rurál pakote 11 iha Viqueque

Kondisaun estrada rurál iha Viqueque, kinta (11/05/2023). Imajen Tatoli/Vitorino Lopes da Costa

VIQUEQUE, 11 maiu 2023 (TATOLI)—Ministériu Obra Públika (MOP) loke ona konkursu no konklui ona prosesu ba dalan liga área rurál pakote 11 iha munisípiu Viqueque.

“Governu liuhosi Ministériu Obra Públika loke ona konkursu ba empreza sira atu halo reabilitasaun ba dalan rurál sira iha postu haat. Sei halo tan site visit hotu sei halo pre-bid meeting ne’ebé prosesu ba projetu dalan rurál hamutuk 11 la’o ona, prosesu sira hotu iha ona no empreza manán-na’in hahú halo reabilitasaun,” Diretór Servisu Obra Públika munisípiu Viqueque, Mário do Rego, hateten ba Agência Tatoli, iha postu Viqueque Villa, kinta ne’e.

Tuir dadus, pakote 11 maka hanesan hosi Bubulale ho Ulukaibesi, suku Loilu, Bahatata, Irabin de Cima kilómetru 3-500 iha postu Uatucarbau, hosi Uatucarbau bá Uaibate, Irabin de Cima, Uani Uma kilómetru 2+100 iha postu Uatucarbau, Ulucaibesi to’o Caiualita hosi suku Loiulu, Irabin de Cima, Bahatata no Afaloikai kilómetru 3+500-7+000 iha postu Uatucarbau, Caiualita to’o Bahatata, suku Loiulu, Irabin de Cima, suku Bahatata no Afaloikai kilómetru 7+000-10.500 Uatucarbau.

Notísia relevante : Estudu dezeñu reabilitasaun estrada Luca-Lacluta Viqueque atinje ona 95%

Hosi Loiulu to’o Uaidasu, suku Loiulu, irabin de Cima, suku Bahatata kilómetru 3+000 iha postu Uatucarbau, hosi Uaidasu to’o Nabo, suku Loiulu, Irabin de Cima no Bahatata kilómetru 3+000-6+000 iha postu Uatucarbau, hosi Nabo to’o Daragata, suku Loiulu, Irabin de Cima, no suku Bahatata kilómetru 6+000-8+300 iha postu Uatucarbau, nune’e reabilitasaun dalan rurál ba postu Uatucarbau hamutuk pakote hitu.

Nune’e mós, dalan rurál hosi postu Uatulari hosi Nunu Malau to’o iraler, suku Afakoikai, Matahoi kilómetru 2+500, hosi Kararas to’o Ueluli Manas, suku Bibileo, no suku Uaimori kilómetru 2+200 iha postu Viqueque Villa, hosi Ossu de Cima to’o Liaruka, kilómetru 8+000-10+000 iha postu Ossu no hosi Ossu de Cima to’o Liaruka, suku Ossu de Cima, kilómetru 10+000 – 12+000 iha postu Ossu.

Jornalista     : Vitorino Lopes da Costa

Editora          : Julia Chatarina

iklan
iklan

Leave a Reply

iklan
error: Content is protected !!