iklan

AILEU, HEADLINE

 PST kansela kampaña iha Aileu

 PST kansela kampaña iha Aileu

Vise-Prezidente asuntu protokolu, Partidu Sosialista Timor (PST), Luis Maria Lopes, hafoin aprezenta lista kandidatura PST nian ba Tribunál Rekursu.Imajen Tatoli/Anito Soares

AILEU, 14 maiu 2023 (TATOLI) – Vise Prezidente Asuntu Protokolu, Partidu Sosiál Timorense (PST), Luis Maria Lopes ‘Katana’, informa PST la konsege halo kampaña iha munisípiu tuir oráriu ne’ebé Komisaun Nasionál Eleisaun (CNE, sigla portugés) define ona tanba laiha preparasaun.

“Tuir horseik sabadu (13/5) ami halo ami-nia kampaña ho tipu diálogu komunitáriu iha Munisípiu Aileu, ne’ebé mak hosi CNE fó, maibé la konsege tanba falla iha ami-nia preparasaun sira, tanba ne’e ami deside fila fali ba halo kampaña iha Ermera tanba kordenadór sira ne’ebé prepara ona, entaun kampaña iha Alieu ami adia fali ba loron seluk”, Luis Maria Lopes hateten ba Agência TATOLI, via telephone, domingu ne’e.

Nia dehan, kanselamentu ba ajenda kampaña PST mós partidu informa on aba CNE.

“Ami informa ona kestaun sira ne’e ba CNE no ohin ami kontinua kedan ami-nia kampaña iha Ermera, tanba ita labele husik tempu ida ne’ebé prepara ona, ita tenke ba uluk ne’ebá, ida seidauk ita bele adia fali ba loron seluk hodi prenzensa tuir oráriu ne’ebé iha”, Luis Maria informa

Vise Prezidente Asuntu Protokolu, PST, hateten bainhira PST halo kampaña fila fali iha Munisípiu Aileu sei komunika ho media sira hodi halo kobertura.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!