iklan

DILI, POLÍTIKA

MAE relata preparativu komemorasaun loron restaurasaun 20 maiu ba PR

MAE relata preparativu komemorasaun loron restaurasaun 20 maiu ba PR

Vise-Ministru Administrasaun Estatál (MAE), Lino de Jesus Torezão. Imajen Tatoli/Francisco Sony.

DILI, 15 maiu 2023 (TATOLI)-Vise Ministru, Administrasaun Estatál (MAE), Lino de Jesus Torezão, relata preparativu ba komemorasaun loron restaurasaun indepedénsia Timor-Leste 20 maiu tinan ne’e ba Prezidente Repúblika (PR), José Ramos Horta.

“Ami relata ba Prezidente Repúblika, preparasaun serimónia 20 maiu nian ba isár bandeira iha Palásiu Prezidensiál, tanbá ita haree fatin ne’ebá la saida, entaun Prezidente husu iha ne’e. Prezidente Repúblika, simu ami ho di’ak tanba kolaborasaun no kooperasaun di’ak,” Vise Ministru MAE ne’e hateten ba jornalista sira hafoin ramata enkontru ho PR iha Palásiu Prezidensiál, Bairru Pite, segunda ne’e.

Tamba ne’e, nia dehan, serimónia komemorasaun ne’e sei hala’o iha Palásiu Prezidensiál nune’e preparasaun la’o daudaun hela no preparadu.

Governante ne’e fó briefing ba Xefe Estadu kona-ba lala’ok serimónia loron importante ne’e no mós atividade ne’ebé hahú ona iha loron 04 fulan maiu, hahu ho atividade feira ne’ebé loke iha fatin haat hanesan iha Kristu Rei, Metinaro, Dom Aleixo no iha Portu Dili.

“Orsamentu ba atividade ho feira sira ne’e hotu rihun $350,” nia dehan.

Nia hateten, serimónia tinan ne’e la hanesan ho tinan hirak liu ba, tambá Timor-Leste hasoru eleisaun parlamentár, ne’e membru PNTL sira tun hotu ba iha terenu hodi fó seguransa ba iha sentru votasaun no estasaun votusaun ida-idak, no ida ne’e la sufisiente nune’e husu tan apoiu F-FDTL nian.

Ba munisípiu sira, nia hateten, sei laiha serimónia komemorasaun loron restaurasaun independénsia, tanba iha tempu hanesan sei iha mós distribuisaun materiál sensitivu no mós  la sensitivu ba eleisaun parlamentár nian.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!