DILI, 16 maiu 2023 (TATOLI) – Ministru Finansa (MF), Rui Augusto Gomes, hateten to’o agora Ministériu Saúde (MS) seidauk haruka karta mai hodi apoiu orsamentu adisionál hodi halo akizisaun ba aimoruk.
“Ha’u seidauk simu buat ida to’o agora, se bainhira ami simu, ami haree poblema iha ne’ebé, iha jestaun ka problema falta osan duni, entaun iha ne’e mak ita sei tau hanoin hamutuk hodi rezolve ida ne’e”, nia subliña.
Entertantu, Portál Transparánsia ne’ebé mak TATOLI asesu ohin husi janeiru too maiu Orsamentu Jerál Estadu 2023 husi Servisu Autonomu Medikamentu Ekipamntu Saúde (SAMES) alokadu hamutuk $ $9,235,500.00 Kompromisu sira $2,999,247.46, Obrigasaun sira $772,204.97, Atual $2,499,830.19 no saldu $2,964,217.38.
Notísia relevante : Aimoruk ”Stock out”, MS sei submete karta ba MF atu disponibiliza orsamentu
Jornalista : Felicidade Ximenes
Editór : Zezito Silva
