PST kansela atividade kampaña iha Manatuto
MANATUTO, 16 maiu 2023 (TATOLI)—Diretór Komisaun Nasionál Eleisaun (CNE), munisípiu Manatuto, Paulino Soares, hateten Partido Sosialista de Timor (PST) kansela atividade kampaña eleitorál iha postu administrativu Laclubar, munisípiu Manatuto, tanba partisipa iha programa debate partidu polítika iha Salaun Mahoka.
“Ha’u simu informasaun hosi Koordenadór Pontu Fokál PST nian katak kampaña PST nian ne’ebé realiza iha Laclubar Manatuto nian, aban ne’e kansela tanba sira-nia razaun aban halo debate partidu polítika iha Salaun Mahoka ne’ebé CNE realiza, entaun deside kansela,” nia hateten ba Agência Tatoli liuhosi telefónika, tersa ne’e.
Nia dehan, PST kansela la’ós la realiza maibé sira muda fali halo atividade kampaña eleitorál iha munisípiu Liquiça.
“Tanba ne’e, PST kansela no deside halo kampañia iha munisípiu Liquiça nian nune’e Prezidente PST kontinua kedas ba debate iha CNE, tanba aban ne’e oráriu debate PST nian,” nia hateten.
Jornalista : Osória Marques
Editór : Cancio Ximenes
