LAUTÉM, 16 maiu 2023 ( TATOLI)- Vise Prezidente Partido Sosialista Timorense ( PST), Luis Maria Lopes, informa, PST la realiza kampaña iha Munisípiu Lautém tanba fallansu tékniku no seidauk iha stutura ne,ebé kompletu iha Munisípiu Lautém.
“Stutura Nasionál PST la bele realiza kampaña iha Munisípiu Lautém hodi hato,o kumpromisu polítika ba povu no militante iha Lautém, tanba kestaun tékniku no seidauk kompleta stutura PST nian iha Munisípiu Laut’em,” hateten Luis Maria Lopes ba Tatoli via telefone tersa ne’e.
Nia akresenta, maski la realiza kampaña polítika iha Munisípiu Lautém maibé strutura nasionál PST nafatin fahe program prioridade hanesan implementa kooperativa nasionál hodi hakbiit povu ba moris di’ak no programa nasionál sira seluk mak hanesan kontinua hadi’a estrada, kualidade edukasaun, saúde,justisa agrikultura no programa prioridade sira seluk iha Timor – Leste.
“Husu nafatin ba povu no milatante sira hodi hili PST ho numeru sorteiu 15 iha 21 maiu ho nune’e bele implementa programa prioridade sira ne’e ba povu Timor -Leste nia moris di’ak,”nia apela.
Enkuantu Diretór CNE Munisípiu Lautém, Anacleto Lopes, informa katak PST dezde inisiu laiha atividade kampaña iha Lautém, maski nune’e CNE Munisípiu Lautém hein nafatin sira-nia kalendáriu kampañia maibé labele realiza tanba kestaun tékniku.
Jornalista: Camilio de Sousa
Editora: Nelia Borges
