DILI, 18 maiu 2023 (TATOLI)—Country Manajer International Finance Corporation (IFC), Randall Rioprlle, ho Prezidente Repúblika (PR), José Ramos Horta, diskute perspetiva dezenvolimentu Timor-Leste ba tinan liman oin mai.
Country Manajer IFC, Randall Rioprlle, hateten sorumutu ne’e oinsá bele hametin relasaun entre IFC ho Estadu no Governu bele hasa’e kontribuisaun dezenvolvimentu iha Timor-Leste.
“Ohin, ami diskute ho Prezidente Repúblika kona-ba projetu balun ne’ebé la’o hela no mós prespetiva ba dezenvolvimentu tinan lima tuir mai,” nia hateten ba jornalista sira hafoin ramata enkontru ho Prezidente Repúblika iha Palásiu Prezidensiál Nicolau Lobato, Bairru Pite, kinta ne’e.
Alieinde ne’e. nia dehan, diskute kona-ba dezenvolvimentu ba portu Dili no indústria máritima ró-ahi sira no mós infraestrutura enjerál.
Nia dehan, seidauk iha oráriu ne’ebé fiksu ona, pasu primeiru mak atu koloka péritu sira hodi halo estudu viabilidade no mós atu determina pasu tuir mai.
Durante sorumutu, Xefe Estadu hato’o bem-vindu ba IFC, Banku Mundiál, no mós ba ADB, no hato’o hosi parte Estadu no Governu iha duni interrese atu hametin kooperasaun ne’e ba oin.
Jornalista : Nelson de Sousa
Editór : Cancio Ximenes
