iklan

HEADLINE, POLÍTIKA

MLPM husu líder partidu polítiku hotu tenke simu rezultadu eleisaun  

MLPM husu líder partidu polítiku hotu tenke simu rezultadu eleisaun  

Prezidente Partidu MLPM, Reis Kadalak. Imajen Tatoli

DILI, 21 maiu 2023 (TATOLI)- Prezidente Movimentu Libertasaun Povu Maubere (MLPM), Reis Cadalac, hateten,  MLPM atu hetan votu hodi liu barreira ka lae ne’e determinasaun iha povu nia liman, tanba demokrasia ne’e iha povu.

“Ne’ebé hakarak ka lae povu mak determina, hanesan líder partidu polítiku hothotu tenke simu rezultadu eleisaun, kuandu povu fó fi’ar se mak atu ka’er ukun, hanesan sidadaun nafatin kontribui ba estabilidade,” Reis Cadalac hateten ba TATOLI iha EBF Bairu- Pite, domingu ne’e.

Iha biban ne’e , Prezidente Partidu Movimentu Libertasaun Povu Maubere (MLPM), Reis Cadalac  mós husu ba timoroan hotu atu hakat ba sentru votasaun hodi ezerse direitu votu para bele determina futuru nasaun nian.

“Ha’u-nia mensajen mak ne’e, timoroan hakat ba sentru votasaun hodi ezerse direitu ba vota hodi bele determina futuru nasaun nian,” nia enkoraja.

Líder partidu ne’e mós husu ba joven sira atu kontribui ba pás no estabilidade.

Entretantu, Prezidente Partidu Movimentu Libertasaun Povu Maubere (MLPM), Reis Cadalac ezerse ona votu  iha sentru votasaun Eskola Ensinu Báziku Filial (EBF)  Hens Cleeam Bairu–Pite.

Autoridade másima MPLM ne’e  hosi nia rezidensia Ailok-Laran, hodi hakat ba sentru votasaun akompaña hosi nia família balun. To’o sentru votasaun  iha tuku 6:00 no iha tuku 6:3o nia parte tama ba sentru votasaun laran hodi hahú ezerse nia direitu síviku.

“Ohin ha’u-nia presenza iha ne’e, atu ezerse ha’u-nia votu hanesan sidadaun,” Reis Cadalac hateten.

Jornalista: Natalino Costa

Editór: Rafael Ximenes de A. Belo

 

iklan
iklan

Leave a Reply

iklan
error: Content is protected !!