iklan

NASIONÁL, ELEISAUN, POLÍTIKA

Provizoriamente CNRT hetan votu maiória iha territóriu nasionál

Provizoriamente CNRT hetan votu maiória iha territóriu nasionál

Eis Primeiru-Ministru no Prezidente Partidu CNRT, Kay Rala Xanana Gusmão. Imajen Tatoli/Egas Cristóvão

DILI, 21 maiu 2023 (TATOLI)—Sekretáriu Tékniku Administrasaun Eleitorál (STAE) fó sai rezultadu kontajen provizoriu iha territóriu nasionál hatudu katak, Partidu Conselho Nacional Resistência Timor (CNRT) hetan votu maiória hamutuk 17.467 hosi partidu polítika 17 ne’ebé konkorre iha eleisaun parlamentár 21 maiu 2023.

Tuir rezultadu, votu maiória daruak mak partidu FRETILIN ho votu 10.792, Partidu Demokrátiku (PD) ho votu 4.180, Partidu KHUNTO 3.681, Partidu Libertasaun Populár (PLP) 2.835, Partidu os Verdes (PVT) 1.685, Partidu Unidade Dezenvolvimentu Demokrátiku (PUDD) 1.736.

Partidu Asosiasaun Popular Monarkia Timorense (APMT) 440, CASDT 219, Partidu Libertasaun Povu Aileba (PLPA) 181, Partidu Sosialista de Timor (PST) 176, Partidu Republikanu (PR) 115.

Partidu Demokrata Timor (PDC) ho votu 102, Partidu Uniaun Demokrátiku Timorense (UDT) 75, Partidu UNDERTIM 50, Partidu Dezenvolvimentu Nasionál (PDN) 38 no Partidu Movimentu Libertasaun Maubere (MLPM) ho votu hamutuk 37.

Hosi votu hirak ne’e, liuhosi kontajen hetan votu nulu hamutuk 541, votu reklamadu hamutuk 24, votu abandonadu iha ida (1), votu branco hamutuk 205 no votu rejeitadu hamutuk tolu (3).

Jornalista : Osória Marques

Editór      : Cancio Ximenes

 

iklan
iklan

Leave a Reply

iklan
error: Content is protected !!