BAUCAU, 23 maiu 2022 (TATOLI) – Sekretariadu Tékniku Administrasaun Eleitorál (STAE) munisípiu Baucau transporta ona urna sensitvu eleisaun parlamentár ba nasionál hafoin finaliza apuramentu munisipál.
Diretór STAE Baucau, Natividade Freitas Guterres, esplika, hafoin finaliza apuramentu iha loron-segunda, 22 maiu, oras 21:00 kalan tanba kondisaun entaun STAE hamutuk ho fiskal kandidatura no observadór sira hamutuk deside transportasaun urna iha loron-tersa, 23 maiu tanba presiza deskansa hafoin kalan-rua-loron-ida hala’o apuramentu munisípiu.
“Ekipa STAE hamutuk ho CNE inklui polísia mak akompaña malu ba nasionál,” Diretór STAE Baucau hateten iha Vila Nova, tersa ne’e.
Munisípiu Baucau rejista tótal akta hamutuk 150 hosi estasaun votu 180 ne’ebé taxa partisipasaun 76.8% ho totál votu válidu hamutuk 73.779, komposta hosi votu nulu 1.238, branku 364, rejeitadu 6 no reklamadu 48 hosi tótal eleitór 99.158.
Rezultadu finál iha tabulasaun hosi munisípiu Baucau partidu politiku ho númeru sorteiu 11 FRETLIN mak manán iha Baucau ho tótal votu 29.611 (40,13%), tuir kedas CNRT, sigla portugés) ho tótal votu 17.372 (23,03%), PLP 9.575 (12,69%), KHUNTO 6.157 (8,16%) no PD okupa tabele dalima totál votu 4.415 (5,85%).
Enkuantu partidu seluk hanesan PDN totál votu 55 (0,07%), PLPA 547 (0,73) , PVT 1.647 (2,18), UDT 159 (0,21), PUDD 3.011 (3,99%), PR 250 (0,33%), UNDERTIM 109 (0,14%), CASDT 259 (0,32%), MPLM 69 (0,09%), PST 243 (032%), PDC 168 (0.22%) no APMT 132 (0,17%).
Notísia relevante: FRETILIN manán iha Baucau ho votu 29.611
Jornalista : Natalino Belo
Editór : Evaristo Soares Martins
