iklan

EKONOMIA, BOBONARO, HEADLINE, MUNISÍPIU

ANLA emite ona lisensa ambientál ba projetu estrada Maliana

ANLA emite ona lisensa ambientál ba projetu estrada Maliana

Atividade traballadór iha estrada dirasaun aldeia Raifun ba Ritabou, munisípiu Maliana, segunda (4/12). Imajen TATOLI/António Gonçalves

CAILACO, 24 miau 2023 (TATOLI) – Autoridade Nasionál Lisensiamentu Ambientál, Institutu Públiku (ANLA,I.P), atribui ona lisensa ambientál ba kompañia internasionál PT Hutama Karya hodi implementa projetu estrada urbana kapitál Maliana Vila ne’ebé tuir planu sei lansa fatuk dahuluk iha semana ne’e.

Notísia relevante: Kompañia PT. Hutama sai manán na’in ba reabilitasaun estrada urbana Maliana

“Estrada ne’e hosi Soso mai to’o Bundaran, tún mai Ritabou, kampu aviasaun sei fera fali oituan iha natar laran ne’e mosu iha Odomau, ne’e dua Jalur. Ida-ne’e hosi ANLA fó ona lisensa,” Prezidente ANLA, António Lelo Taci, informa kuarta ne’e iha ámbitu diálogu ho komunidade Aitutu, suku Manapa, postu administrativu Cailaco, kona-bá planu harii jardín soudozu Nino Konis Santana.

Enkuantu totál orsamentu ne’ebé gasta ba projetu nasionál ne’e hamutuk $21,228,762.00, antes ne’e mós Governu liuhosi reuniaun Konsellu Ministru aprova prosedimentu aproviziomentu estrada urbana Maliana pakote I ho valór estimasaun $16,314.392,06.

Nune’e mós estrada Maliana pakote II ho estrada prinisipál ne’e ninia valór estimasaun globál $23,587,019,36.

Notísia relevante: Reabilitasaun estrada urbana Maliana hein vistu hosi Tribunal

Jornalista   : Sérgio da Cruz

Editór          : Evaristo Soares Martins

iklan
iklan

Leave a Reply

iklan
error: Content is protected !!