iklan

NASIONÁL, POLÍTIKA

07 juñu: Deputadu sira labele aprezenta inisiativa lei foun

07 juñu: Deputadu sira labele aprezenta inisiativa lei foun

Prezidente Parlamentu Nasionál, Aniceto Longuinhos Guterres Lopes. Imajen Tatoli/Antonio Daciparu.

DILI, 25 maiu 2023 (TATOLI)—Prezidente Parlamentu Nasionál, Aniceto Longuinhos Guterres Lopes, hateten hahú iha loron 07 juñu 2023, Deputadu no meza labele ona aprezenta inisiativa lei foun ruma maibé só bele ba inisiativa ho karáter urjénsia.

“Se iha inisiativa ruma di’akliu aprezenta antes dia 07 juñu, ida anúnsiu rezultadu eleisaun (parlamentár) ida-ne’e tanba liu ida-ne’e inisiativa sira, ita labele halo ona ka inisiativa foun labele mosu ona. Depois realizasaun eleisaun sei bele iha inisiativa maibé tenke ho karáter urjénsia,” Prezidente Parlamentu Nasionál ne’e hateten liuhosi reuniaun plenária extraordinária iha sala plenária, kinta ne’e.

Nia hatutan, ba inisiativa urjénsia entaun tenke iha mós pedidu apresiasaun karáter urjénsia mós, iha expozisaun motivu tenke halo nune’e sita kedas ona atu ajusta ho lei sei iha loron barak bele avansa ho inisiativa ida ho karáter urjénsia.

Iha loron 07 juñu 2023, nu’udar loron ne’ebé Tribunál Rekursu fó sai hodi konfirma rezultadu eleisaun no públika iha jornál repúblika.

Entretantu, Parlamentu Nasionál nu’udar órgaun soberania daruak ho nia kna’ar mak nu’udar lejisladór atu halo lei, fiskaliza serbisu Governu no foti desizaun polítika.

Tuir prosesu normál atu halo lei mak iha inisiativa bolu proposta-lei ne’ebé aprezenta hosi Governu no projetu-lei mak bele aprezenta hosi Deputadu no meza Parlamentu rasik.

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!