NASIONÁL, POLÍTIKA

PD kongratula Horta kompleta tinan ida nu’udar Prezidente Repúblika

PD kongratula Horta kompleta tinan ida nu’udar Prezidente Repúblika

Prezidente Partidu Demokrátiku (PD), Mariano Assanami Sabino, akompañadu hosi estrutura partidu hasoru malu no kongratula Prezidente Repúblika (PR), José Ramos Horta, ne’ebé iha 20 maiu 2023 kompleta tinan ida nu’udar Pezidente Repúblika, iha Palásiu Prezidensiál Nicolau Lobato, Bairru Pite, kinta (25 maiu 2023). Imajen/Mídia PR.

DILI, 25 maiu 2023 (TATOLI)—Prezidente Partidu Demokrátiku (PD), Mariano Assanami Sabino, kinta ne’e, akompañadu hosi estrutura partidu hasoru malu ho Prezidente Repúblika (PR), José Ramos Horta, hodi kongratula PR ne’ebé kompleta tinan ida nu’udar Pezidente Repúblika.

“Parabéns ba povu tomak tanba ita bele tuir eleisaun parlamentár, susesu no la’o di’ak. Ami mai atu kongratula de’it t Prezidente Repúblika, José Ramos Horta, ne’ebé kompleta tinan ida nu’udar Prezidente Repúblika iha 20 maiu (2022-2023),” Preizidente Partidu Demokrátiku, Mariano Assanami Sabino, hateten ba jornalista sira hafoin ramata enkontru ho Prezidente Repúblika iha Palásiu Prezidensiál Nicolau Loato, Bairru Pite, Dili.

Nia hatutan, iha 20 maiu 2023, estrutura PD la konsege mai hato’o tanba iha atividade eleisaun, entaun ohin mak konsege hasoru malu ho Prezidente, no Xefe Estadu mós kongratula PD nia esforsu no kontribuisaun liuliu ho kampaña eleitorál ne’ebé fó mensajen pás.

Iha parte seluk, Prezidente Partidu Demokrátiku ne’e seidauk ko’alia kona-ba Governu foun mai bainhira partidu vensedór eleisaun Parlamentár konvida PD ba iha Governu dasia mai, tanba daudaun ne’e CNE hala’o hela apuramentu nasionál no seidauk fó sai rezultadu ikus hosi Tribunál Rekursu.

“Ita hotu sei hein rezultadu iha Komisaun Nasionál Eleisaun (CNE, siglá portugés). Apuramentu nasionál lao hela, no hein tempu Tribunál Rekursu sei anunsia no públika iha jornál repúblika definitivu mak sei ko’alia ba malu,” nia hateten.

Assanami dehan, membru Governu foun mai tenke iha koñesimentu kle’an no vontante, iha kompsomisu makaas hodi aposta ba Estadu nue’e bele lori Estadu ne’e la’o ba oin.

“Maibé, buat hotu ita ko’alia so rezultadu fó sai ona no Partidu Demokrátiku sempre prepara nia kuadru ba setór hotu-hotu ne’e, ema iha hela,” nia dehan.

Notísia Relevante: Prezidente Partidu CNRT prefere hein rezultadu finál molok deklara formasaun Governu

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!