iklan

NASIONÁL, INTERNASIONÁL, POLÍTIKA

PN autoriza Prezidente Repúblika dezloka ba Korea-Singapura-Itália

PN autoriza Prezidente Repúblika dezloka ba Korea-Singapura-Itália

Plenária Parlamentu Nasionál. Imajen TATOLI/António Gonçalves.

DILI, 25 maiu 2023 (TATOLI)—Parlamentu Nasionál (PN), kinta ne’e, liuhusi reuniaun plenária extraordinária aprova asentimentu dezlokasaun pedidu Prezidente Repúblika (PR), José Ramos Horta, hodi dezloka ba nasaun tolu.

Asentimentu deslokasaun Xefe Estadu nian ba nasaun Repúblika Korea no Repúblika Singapura entre loron 30 maiu no 05 juñu 2023, no pedidu asentimentu dezlokasaun PR nian ba Repúblika Itália-Estadu Sidade Vátikanu entre 08-12 juñu 2023.

“Projetu rezolusaun rua viajen Prezidente Repúblika keta-ketak, rezultadu votasaun a-favór 46, kontra no abstensaun 0, nune’e ho rezolusaun rua ne’e Parlamentu Nasionál fó ona konsentimentu ba Prezidente Repúblika nia vizita,” Prezidente Parlamentu Nasionál, Aniceto Longuinhos Guterres Lopes, hateten iha sala plenária PN.

Tuir pedidu hosi PR hodi hato’o mensajen ba PN, ne’ebé sekretária meza PN lee sai, kona-ba dezlokasaun PR ba asuntu auzénsia iha territóriu nasionál iha vizita ofisiál ba Repúblika Korea ho ajenda sei partisipa hanesan oradór prinsipál iha fórum ba pás no prosperiedade iha illa Jezu, no audénsia hasoru malu ho Prezidente Repúblika Koreia.

Iha Singapura, Prezidente Repúblika José Ramos Horta sei partisipa ajenda importante seluk hodi fila mai Timor-Leste iha 05 juñu.

Hafoin ida-ne’e, tuir planu, Laureadu Prémio Nobel da Pás ne’e sei dezloka fali ba Roma-Itália hodi atende konvite hosi Sua Santidade Papa Francisco hodi partisipa enkontru reflesaun kona-ba pás.

Tuir termu efeitu númeru 1 artigu 80, no alinea ‘h’ númeru 3 (Fó autorizasaun ba Prezidente Republika atu hala’o vizita Estadu nian) iha konstituisaun artigu 95   hateten, meiu ne’e PR solisita ba PN hodi fó konsentimentu dezlokasaun Xefe Estadu nian vizita ofisiál.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!