Progresu reabilitasaun sede suku 12 iha Covalima atinje ona 70%
COVALIMA, 25 maiu 2023 (TATOLI)—Diretór Programa Nasionál Dezenvolvimentu Suku (PNDS) Covalima, Filipe Cardoso, hateten progresu reabilitasaun sede suku 12 ne’ebé implementa iha postu administrativu Tilomar, Maucatar no Fohorem, munisípiu Covalima atinje ona 70%.
“Progresu reabilitasaun sede suku 12 iha munisípiu Covalima ne’ebé implementa iha postu administrativu Tilomar, Maucatar no Fohorem ne’e, nia progresu atinje ona 70%,” Filipe Cardoso hateten ba Agência Tatoli, iha nia servisu fatin, Sukaer Laran, kinta ne’e.
Progresu implementasaun foin atinje 70%, tanba progresu fíziku foin tama iha faze ona zinku, maibé sede suku ida ka rua mak foin prepara atu taka zinku nune’e, falta de’it 30% atu atinje 100%, maibé tempu badak sei konklui reabilitasaun sede suku 12 iha munisípiu Covalima.
Maske iha prosesu implementasaun ne’e hasoru dezafiu hanesan iklima no kapasidade fornesedór tarde maibé ekipa PNDS kontinua hala’o ezersisiu, nune’e atu bele konklui reabilitasaun ba sede suku 12 refere.
Orsamentu ba rehabilitsaun sede suku 12 iha postu administrarivu Fohorem, Tilomar no Maucatar ne’e hamutuk $144,000.00 no hosi orsamentu refere kada sede suku hetan orsamentu $12,000.00.
Jornalista : Celestina Teles
Editór : Cancio Ximenes
