iklan

NASIONÁL, POLÍTIKA

Komisaun F husu Governu sensibiliza prevensaun vírus Rabies ba komunidade

Komisaun F husu Governu sensibiliza prevensaun vírus Rabies ba komunidade

Asu ho virus Rabies. Imajen/Espesiál.

DILI, 01 juñu 2023 (TATOLI)—Sekretária Komisaun F trata asuntu Saúde, Seguransa, Sosiál no Igualidade Jéneru iha Parlamentu Nasionál, Deputada Helena Martins, husu Governu liuhosi ministériu relevante atu halo sensivilizasaun ba prevensaun vírus Rabies ne’ebé agora daudaun nasaun viziñu Nusa Tengara Timur (NTT)-Indonézia rejista ona.

“Vírus foun Rabies ne’ebé agora daudaun besik ona iha NTT-Indonézia, ne’e signifika iha ona ita-nia viziñu. Entaun, óinsa mak Estadu bele prepara liuliu Governu iha ministériu relevante hodi ita bele halo prevensaun antes tama mai Timor-Leste,” nia hateten ba jornalista sira iha sala Komisaun F Parlamentu Nasionál, kinta ne’e.

Tuir informasaun ne’ebé iha hateten, virus foun ho naran Rabies ne’e mai hosi asu no bainhira asu hetan infeksaun mak tata ema bele kona moras Rabies no moras ne’e labele kura.

“Tanba iha Timor-Leste populasaun barak mak haki’ak asu barak, entaun óinsa mak fó informasaun liuhosi mídia, nune’e presiza sensivilizasaun no publikasaun ne’ebé másimu hodi bele halo prevensaun,” nia hateten.

Nune’e mós. presiza presiza serbisu hamutuk no halo kooperasaun entre liña ministeriál hanesan Ministéiru Saúde ho mós parte saúde animal atu haree kestaun ne’e ho di’ak liután.

Jornalista : Nelson de Sousa

Editór        : Cancio Ximenes

 

iklan
iklan

Leave a Reply

iklan
error: Content is protected !!