HEADLINE, LIQUIÇÁ, SAÚDE

UNFPA-MS lansa Uma Seguru SSK Liquiça hodi fasilita kliente VBJ

UNFPA-MS lansa Uma Seguru SSK Liquiça hodi fasilita kliente VBJ

Uma Seguru iha Sentru Saúde Komunitaria (SSK) iha Liquiça hafoin inagura hetan kedan bensaun hosi Padre. Foto Tatoli/Joanico de Araujo

LIQUIÇA, 02 juñu 2023 (TATOLI)— Zonta International liu hosi Fundu Nasaun Unida ba Populasaun (UNFPA, sigla inglés)  hamutuk ho Ministeriu Saúde (MS) lansa tan Uma Seguru iha Sentru Saúde Komunitaria (SSK) iha Liquiça hodi fasilita kliente sira ne’ebé hasoru Violénsia Bazeia ba Jéneru (VBJ).

Reprezentante UNFPA iha Timor-Leste, Pressia Arifin-Cabo liu hosi ninia diskursu agradese ho lansamentu fatin seguru iha Liquica. Tanba ida ne’e marka tan momentu importante ida iha esforsu koletivu atu reforsa kapasidade seitor saude hodi responde ba VJB.

“Símbolu firmeza prinsipal husi UNFPA atu hapara Violénsia Bazeia ba Jéneru iha ita nia rain.  Ho nune’é, ita hotu halo esforsu atu asegura feto no labarik feto sira iha Timor-Leste hodi bele asesu ba asistensia saude no kria sosiedade ne’ebe seguru ba ema hotu wainhira deit no iha ne’ebe deit,” hateten Pressia Arifin-Cabo.

Nia hateten, VBJ kontinua sai kestaun ba direitus humanus no saude publika iha Timor-Leste. Tuir dadus Peskiza Demográfico Saúde Timor-Leste 2016 hatudu katak um terço (33%) husi feto idade 15-49, iha Timor-Leste experiensia ona violência físika hahu husi sira tinan 15.

“Iha munisípiu Liquiça, numeru kazu VBJ alarme tebes, ho 51% feto idade 15-49 mak  sofre ba violênsia físika iha  munisípiu ida ne’é,” nia haktuir.

Iha fatin hanesan, Vise Ministru Saúde, Bonifacio Maucoli dos Reis dehan inagurasaun Fatin Seguru ba dala ha’at ne’e nu’udar  atinjimentu importante ida husi pasu no esforsu hodi kontinua haforsa kapasidade setor saúde nian hodi responde ba kazu VBJ.

“Uma fatin seguru ida ne’e, hanesan pontu entrada hodi fo resposta ba kazu VBJ. Tanba ita hatene pesoal saude mak nu’udar primeiru simu kualker violensia. Tanba ne’e, mak ho estabelesimentu fatin seguru ida ne’e para vitima sira senti hakmatek wainhira hetan atendimentu husi pesoal saude sira,” Vice Ministro ne’e dehan.

Tuir Bonifacio katak, governu mos tau atensaun masimu ba kazu VBJ. Ho ida ne’e,  kada tinan sempre aloka orsamentu ho montante dolar rihun lima, maibe lato’o para halo konstrusaun.

“Ho apoiu husi UNFPA ida ne’e, makai ha ona fatin ha’at mak konklui ona. Agora hein deit Dili. Ita hein katak Dili mos sei remata iha tempu badak, no ba oin ita sei expande tan ba iha munisípiu seluk atu nune’e ita bele  estabele fatin seguru iha munisípiu sira hotu hodi resposta ba kazu  violensia ne’ebe mak iha,” dehan Vise Ministru Bonifacio.

Aleinde Ne’e Sekretaria Estado Igualidade no Inkluzaun (SEII), Merita Correia hateten katak, ho estabelesimentu fatin seguru, komunidade Liquiça lapersija resolve kazu violencia to’o Dili, maibe bele mai iha SSK Liquiça hodi resolve lalais, tanba fatin seguru apoiu ba VBJ.

“Maluk  mediku sira husi parte saude ninian, halo ona treinamentu. Ita espera katak, treinamentu ne’ebe simu laos atu halo examinação forensik, maibe oinsa sira nia atendimentu primeiru atu simu vitima sira,” nia hatutan.

Fatin Seguru iha SSK Liquiça hetan apoiu fundu husi Agensia Zonta International  ho total orsamento $40.869.28, ne’ebe mak apoiu liu husi UNFPA.

To’o ohin loron UNFPA halo ona lansamentu fatin Seguru iha SSK munisípiu ha’at mak hanesan Viqueque, Gleno munisípiu Ermera, Atabae munisípiu Bobonaro no Liquiça.

porter : Mirandolina Barros Soares

Editor : Armandina Moniz

 

iklan
iklan

Leave a Reply

iklan
error: Content is protected !!