iklan

BAUCAU, ELEISAUN, HEADLINE, MUNISÍPIU, POLÍTIKA

STAE Baucau atribui sertifikadu ba brigadista sira

STAE Baucau atribui sertifikadu ba brigadista sira

Diretór STAE Baucau, Natividade Freitas Guterres. Imajen Agência TATOLI/Natalino Belo.

BAUCAU, 05 juñu 2023 (TATOLI) – Sekretariadu Tékniku Administrasaun Eleitorál (STAE) atribui sertifikadu ba brigadista hamutuk 150 iha munisípiu Baucau.

Diretór STAE Munisípiu Baucau, Natividade Freitas Guterres, rekoñese brigadista hirak-ne’ebé kontribui ba susesu eleisaun parlamentár tinan-ne’e ne’ebé halao knaar nu’udar prezidente iha sentru votasaun hamutuk 150 iha munisípiu Baucau.

“Signifikasaun hosu atribuisaun sertifikadu ne’e nu’udar parte rekoñesementu ba sira-nia kontribusaun hodi fó susesu ba eleisaun parlamentár tinan-ne’e,” Diretór STAE Baucau hateten iha Vila Nova, segunda ne’e.

STAE Baucau mos sei atribui sertifikadu ba ofisiál eleitorál hamutuk na’in-1800 ne’ebé fó kontribuisaun ba brigadista sira iha kada sentru votasaun.

Natividade Guterres, argumenta, liuhosi atribuisaun sertifikadu refere nu’udar mós bukae ka sasin esperiénsia ba brigadista no ofisiál eleitorál sira nune’e bele utiliza bainhira sei kontinua kontribui ba prosesu eleisaun iha futuru.

STAE Baucau liuhosi eleisaun parlamentár tinan-ne’e rekruta 1.950 komposta hosi brigada na’in-150 no ofisiál eleitorál na’in-1.800 hodi apoia fó susesu prosesu festa demokrasia iha munisípiu Baucau.

Jornalista     : Natalino Belo 

Editór           : Evaristo Soares Martins 

iklan
iklan

Leave a Reply

iklan
error: Content is protected !!