iklan

EKONOMIA, COVALIMA, POLÍTIKA

Autoridade Covalima husu Governu foun kontinua konstrui merkadu rejionál

Autoridade Covalima husu Governu foun kontinua konstrui merkadu rejionál

Diretòr Servisu Munisipál Jestaun no Merkadu Covalima, Vitorino do Carmo. Imajen Tatoli/Celestina Teles.

COVALIMA, 09 juñu 2023 (TATOLI)–Autoridade Covalima liuhosi Diretór Servisu Munisipál Jestaun Mekadu no Turizmu, Vitorino do Carmo, husu ba Governu foun atu kontinua implementa programa ne’ebé atu konstrui merkadu rejionál iha Covalima.

“Ha’u husu ba Nonu Governu atu mai dadaun nune’e atividade no programa ne’ebé la’o hela, halo de’it revizaun nune’e programa bele kontinuidade ita bele implementa. Ami Covalima nia merkadu rejionál, ohin loron, nia Planu no Kadernu Enkargu (BoQ) finaliza ona hein atu halo konstrusaun,” Vitorino do Carmo hateten ba Agência Tatoli, iha Kampung Baru, sesta ne’e.

Tanba ne’e, nia dehan, prosesu atu konstrui merkadu rejionál iha munisípiu Covalima ne’e ninia Planu no Kadernu Enkargu (BoQ) finaliza ona, nune’e hein de’it orsamentu atu hahú halo konstrusaun.

“Ami atu hato’o ba IX Governu ne’ebé atu tama mai halo de’it revizaun ba programa, nune’e tinan 2024 bele implementa programa ne’ebé atu konstrui merkadu rejionál iha Covalima,” nia hateten.

Entertantu, Parlamentu Nasionál aprova Orsamentu Jerál Estadu tinan fiskál 2023 ba munisípiu Covalima hamutuk $5,738.515 ne’ebé fó prióridade ba programa 11 mak hanesan estrada no ponte ho orsamentu $67,709.

Dezenvolvimentu rurál no urbana $78,972, seguransa nasionál $105,079, asesu justisa $54,368 Boa-Governasaun Jestaun Instituisionál $2,852,631, agrikultura $528,958, Agua no Saneamentu $ 165,441, Saúde $244,959 edukasaun no formasaun $1,446,477, igualdade jeneru no Inkluzaun sosial $ 136,300 no Turizmu $57,621.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!