Kompañia Putra Lialuli rekoñese produtu lokál iha “Loja do Povu” seidauk kompletu
COVALIMA, 09 juñu 2023 (TATOLI)–Diretór Kampañia Putra Lialuli Unipesoál, Lda, Lino da Costa, rekoñese preparasaun ba produtu lokál ne’ebé faan iha estabelesimentu “Loja do Povu” seidauk kompletu, tanba produ lokál barak agrikultór sira seidauk kolleta.
“Produtu lokál ne’ebé ami prepara iha estabelesimentu Loja do Povu seidauk kompletu, tanba agrikultór seidauk kolleta produtu lokál sira hanesan koto, pateka no seluk tan,” Lino da Costa hateten ba Agência Tatoli, iha Kampung Baru, sesta ne’e.
Produtu lokál ne’ebé prepara atu faan iha estabelesimentu Loja do Povu” ne’e, kompañia sosa iha grupu agrikultór sira-ne’ebé prodús produtu lokál iha munisípiu Covalima.
Maske kompañia seidauk prepara produtu lokál ho kompletu maibé kompañia halo ona koordenasaun ho grupu agrikultór sira atu sosa produtu lokál, maibé produtu balun seidauk kolleta no balun seidauk prepara atu faan.
Produtu lokál ne’ebé prepara faan iha estabelesimentu Loja do Povu ne’e, sosa hosi grupu agrikultór sira mak ahnesan foos-rai, talas, fehuk, fore-keli, fore-mungu, fore-metan, hudi, sabraka no ai-fuan seluk tan.
Tuir dadus prelimináriu ne’ebé Agência Tatoli asesu hosi eis Diretór Servisu Munisipál Agrikultura katak iha tinan 2022 agrikultór sira hasa’e produsaun produtu lokál ne’e hare-kulit ne’ebé estensionista sira rekolla mai hosi postu administrativu Fatumea, Suai no Zumalai ho nia totál área potensiál 12.167, área kultivasaun 2069,35 produtividade 3.79 ho total nia produsaun hamutuk 9885.58.
Hosi dadus preliminária ne’ebé diretór relata kada área ho nia kultivasaun kada postu administrativu diferensa, hanesan iha postu Fatumea área potensiál 93, área kultivasaun 62 produtividade tolu (3) ho nia produsaun 232.36.
Iha postu Suai, área potensiál 3809, área kultivasaun 495.75, produtividade 3.90 ho nia produsaun 2245.48, iha Zumalai área potensiál 8265, área kultivasaun 15,116, produtividade 4.47 ho nia produsaun 7407.74.
“Ita halo komparasaun, tinan ne’e, ita bele dehan produsuan la aumenta no la iha mudansa signifikante tanba kauza hosi dezastre naturál ne’ebé foin lalais akontese inundasaun hodi fó impaktu ba produsaun hare ne’ebé balun kollete iha natar laran bee-lori hotu ba tasi,” nia hateten.
Aleinde iha dadus kona-ba produsaun hare-kulit iha Covalima, diretór mós informa kona-ba produsaun batar iha munisípiu Covalima ba tinan ne’e, nia rezultadu produsaun hamutuk tonelada 1360.17
Dadus produsaun batar iha munisípiu Covalima hanesan iha postu Fatululik área potensiál 746, área kultivasaun 167.63, produtividade tonelada 248.09, Fatumea área potensiál 1845, área kultivasaun 221.00, produtividade 2.31 produsaun tonelada 510.51.
Iha postu Fohorem área potensiál 1211, área kultivasaun 345.28, produtividade 2.51, produsaun tonelada 866.65, Maucatar área potensiál 3353, área kultivasaun 1741.00, produtivdade 1.86, produsaun tonelada 2338.26
Tilomar área potensiál 1576, área kultivasaun 282.75 produtividade 2.47, produsaun tonelada 698.39, Suai área potensiál 2894, área kultivasaun 1003.00, produtividade 3.43, produsaun tonelada 3440.29 no Zumalai área potensiál 10663, área kultivasaun 539.75, produtivdade 2.52 produsaun tonelada 1360.17.
Jornalista : Celestina Teles
Editór : Cancio Ximenes
