Janeiru-maiu, DTC Covalima kontribui reseita $33,742.50 ba kofre Estadu
COVALIMA, 13 juñu 2023 (TATOLI)–Diretór Dirasaun Transporte no Komunikasaun (DTC) Covalima, Joaquim Gusmão, hateten hhú fulan-janeiru to’o maiu tinan 2023 ne’e Dirasaun Transporte no Komunikasaun kontribui ona reseita $33,742.50 ba kofre Estadu.
“Hahú fulan-janeiru to’o maiu tinan 2023, ami kontribui reseita $33,742.50 ba kofre Estadu ne’ebé fonte mai hosi inspesaun veikulu, lisensa trajetu, renova karta kondusaun ho troka propetáriu no troka sapa matríkula,” Joaquim Gusmão hateten ba Agência Tatoli, iha nia servisu fatin Bairru Costa, tersa ne’e.
Diretór ne’e husu ba sidadaun sira-ne’ebé utiliza transporte privadu ka públiku bainhira dokumentu mate ona tenke halo renovasaun, nune’e bainhira polísia tránzitu halo pasa revista sidadaun sira bele kontribui.
Renovasaun ba transporte públiku Kamiaun sira ho nia duransaun tempu fulan neen (6) maibé matorizada no kareta Avanza sira-ne’e ho durasaun tempu tinan-ida.
Reseita ne’ebé DTC kontribui iha tinan 2023, hahú iha fulan-janeiru to’o maiu ne’e maihosi invoice 2083 ho orsamentu $ 33,742.50 ne’ebé invoise ba inpesaun veikulu hamutuk 1784 ho orsamentu $27,120.00, invoise ba lisensa trajetu 63 ho nia orsamentu $1,325.00
Invoice renova karta kondusaun hamutuk 176 ho nia orsamentu $3,380.00, inovoice ba rejistu 169 ho nia orsamentu $ 1,740.0, invoice xapa matríkula lakon hamutik rua (2) ho nia orsamentu $27,50, invoice troka xapa Mátrikula neen (6) ho nia orsamentu $150.00.
Jornalista : Celestina Teles
Editór : Cancio Ximenes
